إرْيَّاسْنْ أر مَّالْنْ إمْدن أغَرَاس س يسوع

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

‏19 خْتِّيدْ أَيْݣَانْ تُݣَّا نْ يُوحَنَّا،لِّيغْدْ سْرْسْ أُوزْنّ أُدَايْنْ غْ أُورُشَلِيمْ كْرَا نْ إنْبْدَادْنْ دْ لاَّوِيِّينْ،نَّانْ أَسْ:«مَاتّْݣِيتْ؟» ‏20 إقّْبْلْ يُوحَنَّا أَيْسْنْ إوَاجْبْ أُورْ فْلاَّسْنْ إسّْنْتْلْ يَاتْ،إنَّايْسْنْ: «هَانّْ أُورْدْ نْكِّينْ أَيْݣَانْ لْمَسِيحْ». ‏21 سْقّْسَانْتْ نَّانْ أَسْ:«مَزَّا تْݣِيتْ؟إزْدْ نَّبِي إيلِيَّا؟»إنَّايْسْنْ:«أُورْدْ نْكِّينْ أَتّْ إݣَانْ».نَّانْ أَسْ:«إزْدْ كْيِّينْ أَيْݣَانْ نَّبِي لِّي؟»إنَّايْسْنْ:«أُورْتْ ݣِيخْ». ‏22 نَّانْ أَسْ:«مَزَّا تْݣِيتْ أَنّْرَارْ لْوِجَابْ إوِلِّي يَاخْدْ أُوزْنِّينْ؟مَادْ تِّنِيتْ فْ إخْفْ نْكْ؟» ‏23 إنَّايْسْنْ:«نْكِّي ݣِيخْ غْمْكْلِّي سْ إنَّا نَّبِي إشَعْيَاءْ:لْبْرِيحْ نْ يَانْ أُبْرَّاحْ غْ لْخْلاَ أَرْ إتِّنِي:سْنْمَاتْ أَغَرَاسْ إسِدِيتْنْخْ». ‏24 كْرَا غْ إرْقَّاصْنْ أَنّْ ݣَانْ غْ إفَرِّيسِيْنْ، ‏25 سْقّْسَانْتْ نَّانْ أَسْ:«مَاخّْ زَا أَيْلِّيغْ أَتْعْمَّادْتْ إغْ أُورْ تْݣِيتْ لْمَسِيحْ أُلاَ تْݣِيتْ إيلِيَّا أُلاَ تْݣِيتْ نَّبِي لِّي؟» ‏26 إوَاجْبْدْ يُوحَنَّا إنَّايْسْنْ:«نْكِّينْ أَرْكْنْ تّْعْمَّادْخْ سْ وَمَانْ،وَلاَيْنِّي إلاَّ يَانْ غْ ݣْرَتُونْ كْنِّي أُورْتْ تُوكْزْمْ. ‏27 نْتَّانْ أَيْݣَانْ وَلِّي رَايِّيدْ إضْفُورْ،يُوݣْرِيِّ،وَلِّي سْ أُورْ سْتَهْلاَّخْ أَدْ فْسِيخْ إفَلاَنْ نْ تُورْژِيِّينْ نْسْ». ‏28 كُلُّو مَيَادْ إجْرَا غْ بَيْتْ عَبْرَا،غْ أُݣْمَّاضْ أَنّْ نْ وَسِيفْ نْ لُرْدُنْ،غِلِّيغْ أَيْتّعْمَّادْ يُوحَنَّا. ‏29 لِّيدّْ أَزْكَّا أَرْ إتَّنَّايْ يُوحَنَّا يَسُوعْ يُشْكَادْ سْ دَارْسْ،إسَاوْلْ يِنِي:«هَانّْ أَلْقَّاغْ نْ رْبِّي لِّي رَا إسِتِّي دّْنُوبْ نْ مْدّْنْ! ‏30 غْوَادْ أَفْ سَاوْلْخْ لِّيغْ أَوْنْ نِّيخْ:رَايِّيدْ إضْفُورْ يَانْ أُرْݣَازْ يُوݣْرِيِّ،أَشْكُو إلاَّ يَادْ نْتَّانْ أُرْتَا يَاكّ لِّيخْ نْكِّي. ‏31 نْكِّينْ أُورْتِّينْ كِّيخْ سّْنْخْتْ،وَلاَيْنِّي أُشْكِيخْدْ أَرْ تّْعْمَّادْخْ سْ وَمَانْ فَادّْ إبَايّْنْ إيَّيْتْ إسْرَائِيلْ». ‏32 إفْكْ يُوحَنَّا تُݣَّا أَدْ أَرْ إتِّنِي:«ژْرِيخْ رُّوحْ إݣُّوزْدْ غْ إݣْنْوَانْ زُونْدْ أَتْبِيرْ إتّْرْسْ فْلاَّسْ. ‏33 نْكِّينْ أُورْتِّينْ كِّيخْ سّْنْخْتْ،وَلاَيْنِّي وَلِّيِّيدْ يُوزْنّْ أَدْ تّْعْمَّادْخْ سْ وَمَانْ نْتَّانْ أَيِّ إنَّانْ:وَنَّا فْ تْژْرِيتْ رُّوحْ إݣُّوزْدْ إتّْرْسْ فْلاَّسْ،نْتَّانْ أَيْݣَانْ وَلِّي رَايْتّعْمَّادْ سْ رُّوحْ لْقُدُسْ. ‏34 نْكِّي هَيِّ ژْرِيخْ مَيَادْ فْكْخْ تُݣَّا إزْدْ نْتَّانْ أَيْݣَانْ يِوْسْ نْ رْبِّي». ‏35 لِّيدّْ أَزْكَّا إبْدّْ دَاخْ يُوحَنَّا نْتَّانْ دْ سِينْ إمْحْضَارْنْ نْسْ غِّينّْ، ‏36 أَرْنّْ إتّمْنَادْ يَسُوعْ أَرْدْ إزِّݣِيزْ،إنَّايْسْنْ:«هَانّْ أَلْقَّاغْ نْ رْبِّي!» ‏37 سّْفْلْدْنْ سِينْ إمْحْضَارْنْ لِّي إوَوَالْ نْسْ دُّونْ ضْفُورْنْ يَسُوعْ.

‏26 أَشْكْنْدْ سْ دَارْ يُوحَنَّا نَّانْ أَسْ:«إسْ تْسّْنْتْ أَسِيدِي وَلِّيتِّينْ دِيدْكْ إكَّانْ غْ أُݣْمَّاضْ أَنّْ نْ وَسِيفْ نْ لُرْدُنْ وَلِّي فْ تْفْكِيتْ تُݣَّا،هَتِينْ أَرْ إتّْعْمَّادْ أُلاَ نْتَّانْ أَرْنّْ كُلُّو دَارْسْنْ تَّاشْكَانْ مْدّْنْ». ‏27 إسَاوْلْدْ يُوحَنَّا إنَّايْسْنْ:«أُورْ إژْضَارْ يَانْ أَيَّامْژْ كْرَا إغَاسْدْ أُورْ إتّْفْكِي غْ إݣْنْوَانْ. ‏28 يَاكْ كْنِّي سْ إخْفَاوْنْ نُّونْ أَرْ فْلِّي تَكَّامْ تُݣَّا إسْ نِّيخْ أُورْدْ نْكِّينْ أَيْݣَانْ لْمَسِيحْ،وَلاَيْنِّي إسْدْ كَا تّيَزَانْخْ غْ لْݣْدَّامْ نْسْ. ‏29 وَلِّي مِي تْݣَا تْسْلِيتْ تِينْسْ أَيْݣَانْ أَسْلِي،وَلاَيْنِّي أَمْدَّاكّْلْ نْ أُسْلِي لِّي يْتِّلِينْ غْ تَمَا نْسْ أَرَاسْ إسّْفْلِيدْ أَرْ بَهْرَا إتّفْرَاحْ إوَوَالْ نْ أُسْلِي.لْفْرْحْ إنُو إݣَا غْمْكَانّْ،غِلاَدْ إݣَا وَادْ إكْمّْلْنْ. ‏30 إقَّانْدْ نْتَّانْ أَيْتِّمْغُورْ نْكِّينْ أَرْ تِّيمْژِيْخْ.

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 ما نتلمذ غ لقيصتاد ف انك لقادة؟

5 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

6 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

7 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

8 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.