إِرْيَّاسْنْ أرْ تّْبْعَان لْحِكمة ن ربي

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

‏18 أَشْكُو تَبْرَاتْ نْ صّْلِيبْ تْݣَا أَنُوفْلْ دَارْ وِلِّي جْلاَنِينْ،وَلاَيْنِّي نْكّْنِي لِّي نْجْمْنِينْ أَدَّارْنْخْ تْݣَا دْ لْجْهْدْ نْ رْبِّي. ‏19 أَشْكُو إتّْيُرَا:«رَادْ خْلُوخْ تَمُسْنَا نْ وِلِّي فْهْمْنِينْ،أَݣِيخْ لْفْهْمْ نْ وِلِّي حْرْشْنِينْ». ‏20 مَاغْ إلاَّ وَلِّي إفْهْمْنْ؟مَاغْ إلاَّ وَلِّي إسّْلْمَادْنْ؟مَاغْ إلاَّ بُو يْسْنُوبُّوشْنْ غْ أُزْمْزْ أَدْ؟إسْ أُورْ إݣِي رْبِّي تَمُسْنَا نْ دُّونِيتْ أَدْ دْ أُنُوفْلْ. ‏21 أَشْكُو غِلِّيغْ تْلاَّ تْمُسْنَا نْ رْبِّي أَغْ أُورْ سّْنّْ أَيْتْ دُّونِيتْ رْبِّي سْ تْمُسْنَا،غَانّْ أَفْ إرَا رْبِّي أَيْجّْنْجْمْ إمُومْنّْ سْ لِنْجِيلْ لِّي إݣَانْ أَنُوفْلْ دَارْ مدّْنْ. ‏22 أَشْكُو أُدَايْنْ أَرْ سِݣِّيلْنْ لْمُعْجِزَاتْ،أَيْتْ لْيُونَانْ أَرْ سِݣِّيلْنْ تَمُسْنَا. ‏23 وَلاَيْنِّي نْكّْنِي أَرْ نْتْبَّراحْ سْ لْمَسِيحْ لِّي يْتّْصْلْبْنْ:إݣْ إوْدَايْنْ لْعْطْرْتْ،إݣْ أَنُوفْلْ دَارْ أَيْتْ لْيُونَانْ. ‏24 وَلاَيْنِّي دَارْ وِلِّي مِي إغْرَا رْبِّي غْ أُدَايْنْ أُلاَ غْ أَيْتْ لْيُونَانْ،أَيْݣَا لْمَسِيحْ دْ لْجْهْدْ نْ رْبِّي دْ تْمُسْنَا نْ رْبِّي. ‏25 أَشْكُو أَيْلِّي يْتْبَيَّانّ إسْ إݣَا أَنُوفْلْ غْ دَارْ رْبِّي يُوݣْرْ تَمُسْنَا نْ مْدّْنْ!دْ أَيْلِّي يْتْبَيَّانّْ إسْ إضْعَافْ غْ دَارْ رْبِّي،هَانّْ إكَّا فْ أُدْوَاسْ نْ مْدّْنْ! ‏26 سْمُوقّْلاَتْ أَيَيْتْمَا غْ غْمْكْلِّي سْتِّينْ تْكَّامْ تْݣَامْتْ لِّيغْ أَوْنْ إغْرَا رْبِّي،هَانّْ أُورْ ݣِيوْنْ ݣُّوتْنْ وِلِّي فْهْمْنِينْ لْفْهْمْ نْ أُفْݣَانْ.أُلاَ إنْمْغُورْنْ،أُلاَ أُدْمَاوْنْ مْقُّورْنِينْ. ‏27 وَلاَيْنِّي رْبِّي يْسْتِي إنَفَالْنْ غْ دَارْ أَيْتْ دُّونِيتْ أَسّْرْسْنْ إسْحْشّمْ وِلِّي فْهْمْنِينْ،إسْتِي رْبِّي وِلِّي ضْعَفْنِينْ غْ دُّونِيتْ أَسّْرْسْنْ إسْحْشّمْ وِلِّي دُسْنِينْ. ‏28 إسْتِي رْبِّي أَيْلِّي ژِمْژِيْنْ أَيْتْ دُّونِيتْ حْݣْرْنْتْ دْ أَيْلِّي أُورْ ݣِينْ دْ يَاتْ،أَسّْرْسْ إسِتِّي أَيْلِّي دَارْسْنْ إݣَانْ كْرَا. ‏29 فْ أَدْ أُورْ إكَابْرْ يَانْ غْ لْݣْدَّامْ نْ رْبِّي. ‏30 نْتَّانْ أَسْ تْلاَّمْ غْ لْمَسِيحْ يَسُوعْ لِّي أَخْ إݣَانْ تَمُسْنَا غْ دَارْ رْبِّي،إزْكَّايْخْ سْرْسْ إݣَاخْ سْرْسْ دْ وِينْسْ إفْدُو يَاخْدْ سْرْسْ. ‏31 هْيَّ غْمْكْلِّي يْتّْيُورَانْ:«يَانْ إزْعْمْنْ إزْعْمْ سْ رْبِّي»

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 ما نتلمذ غ لقيصتاد ف انك لقادة؟

5 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

6 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

7 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

8 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.