إِرْيَّاسْنْ أرْ تْشْجَّاعْنْ د أرْ تِّنِينْ إوِيَاضْ أدْݣَْنْ عْلَ بال

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

1 هَانّْ رُّوحْ لْقُدُسْ أُورْ إسّْنْتْلْ يَاتْ لِّيغْ إنَّا:إسْ رَادْ إلِينْ غْ أُسَّانْ ݣّْرَانِينْ كْرَا نْ مْدّْنْ لِّي رَا إفْلْ لِيمَانْ،ضْفُورْنْ ݣَارْ لَرْوَاحْ لِّيتْنْ جْلُّونِينْ،ضْفُورْنْ أَيْلِّي أَسْنْ سّْلْمَادْنْ شَّيَاطِينْ، ‏2 مَيَادْ أَرْتْ سّْلْمَادْنْ كْرَا نْ لْمُونَفِقِّينْ لِّي سْكْرْكِسْنِينْ،أُلاَوْنْ نّْسْنْ مُّوتْنْ زُونْدْ إغْ جْدْرْنْ سْ أُزَّالْ إحْمَانْ، ‏3 أَرْ تِّنِينْ إمْدّْنْ أَدْ أُورْ تَهْلْنْ،دْ أَدْ أُورْ شْتَّانْ كْرَا نْ تِيرَامْ لِّيدْ إسْكْرْ رْبِّي فْ أَتّْنْتْ شْتَّانْ وِلِّي أُمْنِّينْ إسَّانّْ لْحَقّْ،أَرْتْ فْلاَّسْنْتْ تّْشْكَارْنْ. ‏4 أَشْكُو كُولْ مَا إخْلْقّْ رْبِّي إفُولْكِي،أُورْ إخْصَّا أَنْسّْحْرَامْ يَاتْ،وَلاَيْنِّي أَفْلاَّخْ إلاَّنْ دْ أَتّْ نْقْبْلْ نْشْكْرْ فْلاَّسْ رْبِّي، ‏5 أَشْكُو أَوَالْ نْ رْبِّي دْ طْژَلِّيتْ أَرْتْ سّْغُوسْنْ. ‏6 إغَادْ تْسّْكْتَايْتْ لُصِيَّاتْ أَدْ إيَيْتْمَاكْ،أَرْ تِّيمْغُورْتْ سْ وَوَالْ نْ لِيمَانْ دْ أُلْمُودْ إصْحَانْ لِّي تْضْفُورْتْ،رَاتّْݣْتْ أَخْدَّامْ إصْلْحْنْ إلْمَسِيحْ يَسُوعْ. ‏7 وَلاَيْنِّي إتِّي غْ تْمِيّْنِينْ نْ تْفْقِّيرِينْ لِّيدْ أُورْ مْشُوشْكِنِينْ دْ لِيمَانْ،أَرْ تْسْدْرَّابْتْ إخْفْ نْكْ فْ أَيْلِّي إݣَانْ وِينْ رْبِّي. ‏8 أَشْكُو رّيَاضَا نْ دَّاتْ تْلاَّ ݣِيسْ كْرَا نْ لْفَايْتّ،مَشّْ إغْ تْسَلاَتْ أَيْلِّي إݣَانْ وِينْ رْبِّي إݣَا كُلُّو لْفَايْتّْ،أَشْكُو مَيَانّْ أَرْ إتّْقَوَالْ سْ تُودْرْتْ إدُومْنْ غْ تُودْرْتْ أَدْ أُلاَ تَلِّي رَادّْ يَاشْكْ. ‏9 أَوَالْ أَدْ إݣَا لْحَقّْ،إݣْ أَمْنِيدْ أَتّْ كُلُّو إقّْبْلْ يَانْ. ‏10 أَشْكُو أَفْ نْمَّاغْ أَرْ نْتِّيزِّيلْ دْ إسْنّْ نْݣَا رّْجَا نْخْ غْ رْبِّي يْدّرْنْ،لِّي إݣَانْ أَمْجّْنْجْمْ نْ مْدّْنْ كُلُّوتْنْ،أَبُهُومْ وِلِّي أُمْنِّينْ. ‏11 إلاَّ فْلاَّكْ أَدْ تُّوصُّوتْ فْ مَيَادْ أَرْتْ تْسّْلْمَاتّْ. ‏12 أَدْ أُورْ تَاجّْتْ حْتَّا يَانْ أَكّْ إحْݣْرْ فْ غْمْكْلِّي تْمْژِّيْتْ،وَلاَيْنِّي زْوُورْ إيْمُومْنّْ أَكّْ ضْفُورْنْ غْ مَا إعْدْلْنْ غْ وَوَالْ أُلاَ لَفْعَالْ،دْ تَايّْرِي،دْ لِيمَانْ،دْ تُودْرْتْ إغُوسْنْ. ‏13 دَاوْمْ فْلاَّسْنْ تِغْرِي نْ وَوَالْ نْ رْبِّي أَرْتْنْ تّْنْصَاحْتْ أَرْتْنْ تْسّْلْمَاتّْ أَرْكِيغْنّْ أُشْكِيخْ. ‏14 أَوِيتّْ غْ تِيكِّيتْ لِّي يَاكْ إتّْيَوْفْكَانْ فْ أُفُوسْ نْ إمْغَارْنْ نْ لْكْنِيسَة لِّي مِيتّْ إسّْعْلْمْ رْبِّي لِّيغْ فْلاَّكْ سْرْسْنْ إفَاسّْنْ نّْسْنْ. ‏15 أَوِيتّْ غْ مَيَادْ.تْݣْتْنّْ كُلُّو سْرْسْ لْجْهْدْ نْكْ،أَرْكِيغْ إبَايّْنْ إكْرَيْݣَاتّْ يَانْ إسَا تْزِّݣِيزْتْ سْ لْݣْدَّامْ. ‏16 رَارْ لَعْقّْلْ سْ مَامْنْكْ أَسْ تّْنْصِرِّيفْتْ،تْرَارْتّْ سْ أُلْمُودْ لِّي تْسّْلْمَاتّْ،تْغَمَاتْ غْ أَيْلِّي سَاكْ نِّيخْ أَرْتْ تْسْكَارْتْ،أَشْكُو إغْ أَسْرْسْ تْسْكَارْتْ رَا تّْنْجْمْتْ نْجْمْنْ دِيدْكْ وِلِّي يَاكْ سّْفْلِدْنِينْ أُلاَ نْتّْنِي.

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 ما نتلمذ غ لقيصتاد ف انك لقادة؟

5 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

6 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

7 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

8 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.