إِرْيَّاسْنْ دارسن ليمان د أر تصبارن

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

‏2 أَدَّرُونْ إݣْ لْفْرْحْ أَيَيْتْمَا إغْ أَتْزّْرَايْمْ كْرَيْݣَاتّْ أَنَاوْ نْ تَسَّاسْتْ، ‏3 تِسَّانْمْ إغْ إزْرِي لِيمَانْ نُّونْ غْ تَسَّاسْتْ إسْ رَادَاوْنْ إزَايْدْ غْ صّْبْرْ. ‏4 أَݣِّيوْنْ إݣْ صّْبْرْ وَادْ إكْمّْلْنْ،فَاتّْݣْمْ وِيدْ مْقُّورْنِينْ تْكْمّْلْمْ أَكّْنِينْ أُورْ إخْصَّا يَاتْ. ‏5 وَنَّا ݣِيوْنْ تْخْصَّا تْمُسْنَا،إضَالْبْتّْ إرْبِّي لِّي يَكَّانْ إمْدّْنْ سْ تُوݣْتّْ أُورْ أَيْتّْلاَمَّا يَانْ،نْتَّانْ رَدَاسْتّْ إفْكْ. ‏6 وَلاَيْنِّي إلاَّ فْلاَّسْ أَيْضَالْبْ سْ لِيمَانْ أَسَّارْ أُورْ إشْكُّو،أَشْكُو وَلِّي إتْشْكُّونْ إݣَا زُونْدْ أُكَانْ تَضَّنْݣِوِينْ نْ إيلّْ لِّي يْكِّيتْ رِّيحْ أَرْ تْنْتْ إدْحِّي. ‏7 زُونْدْ غْوَادْ أَدْ أَكّْ أُورْ إغَالْ إسْ رَايَّامْژْ كْرَا غْ دَارْ رْبِّي. ‏8 أَشْكُو بُو سِينْ لاَرْيَا أُورْ جُّونْ يَسّْتْوَا غْ كُولْ مَا إسْكَارْ. ‏9 إلاَّ فْ أُمُومْنْ نَّا إݣَانْ دّْرِيوْشْ أَيْزْعْمْ سْ غْمْكْلِّيتْ إسِّمْغُورْ رْبِّي، ‏10 غْمْكَانّْ دْ أُمُومْنْ نَّا دَارْ لاَبَاسْ إلاَّ فْلاَّسْ أَيْتّْشْكَارْ رْبِّي أَشْكُو إݣَا ݣِيسْ أَنُّوزْ،أَشْكُو وَلِّي دَارْ لاَبَاسْ أَرْتْ تّْلاَحْ زُونْدْ أَجْدِّيݣْ نْ تُݣَا. ‏11 أَشْكُو أَرْدْ تَقّْلاَيْ تَفُوكْتْ سْ لْحْمَا نْسْ إجْدّْرْنْ تْصِّغَارْ تُݣَا إضْرْ أُجْدِّيݣْ نْسْ،لاَحّْ أَفُولْكِي نْسْ.غْمْكَانّْ أَسْ إتِّغَارْ وَلِّي دَارْ لاَبَاسْ أُلاَ نْتَّانْ إسَلاَ نِيتْ تَوُّرِي نْسْ. ‏12 أَمْبَارْكِيْ أَيْݣَا وَلِّي إصْبْرْنْ إتَسَّاسْتْ،أَشْكُو إغْ فْلاَّسْ إكَّا رَا يَّامْژْ إسْنِي نْ تُودْرْتْ لِّي سْ إقَّاوْلْ رْبِّي إوِلِّيتْ حُوبَّنِينْ. ‏13 إغْ إتّْيَوْجْرَّابْ كْرَا نْ يَانْ أَدْ أُورْ إنَّا:«رْبِّي أَيِّ إجْرّْبْنْ»،أَشْكُو رْبِّي أُورْ أَيْتّْيِوْجْرِّيبْ سْ ݣَارْ أُولاَ أَرْ إتّْجْرَّابْ يَانْ. ‏14 وَلاَيْنِّي كْرَيْݣَاتّْ يَانْ أَرْ إتّْيَوْجْرَّابْ إغْتِينْ تْلْدِي شَّهْوَا نْسْ تْكْرْفْتْ. ‏15 إغْ تُسِي شَّهْوَا أَحْلِيݣْ تَرُو لْمْعْصِيْتْ،لْمْعْصِيْتْ إغْنّْ إلْمَّا تْمْقُّورْ تَرُو لْمُوتْ. ‏16 أَدْ أُورْ تْجْلُومْ أَيَيْتْمَا عْزَّانِينْ. ‏17 هَانّْ كْرَيْݣَاتّْ تِكِّيتْ إصْلْحْنْ دْ كْرَيْݣَاتّْ تِكِّيتْ إكْمّْلْنْ أَفْلاَّ أَدّْ تّْكَّا،تْݣّْزْدْ غْ دَارْ بَابْ نْ تِفَاوِينْ لِّي أُورْ إتّْبْدَّالْنْ أُلاَ أَرْ إتّْسُتُولْ زُونْدْ أَمَلُو. ‏18 نْتَّانْ أَيْرَانْ إݣَاخْ دْ تَرْوَا نْسْ سْ وَوَالْ نْ لْحَقّْ أَدْ نْݣْ لْغْلّْتْ تَمْنْزُويْتْ غْ أَيْلِّي كُلُّو إخْلْقّْ.

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 ما نتلمذ غ لقيصتاد ف انك لقادة؟

5 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

6 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

7 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

8 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.