శిష్యులు దేవుని పిల్లలు

1 మనం చివరిసారిగా కలిసినప్పటి నుండి మీకు జరిగినదాని ఆధారంగా, దేనికి మీరు కృతజ్ఞతతో ఉన్నారు?

2 ఈ వారం మిమ్మల్ని ఒత్తిడికి గురి చేసింది ఏంటి, మరియు పరిస్థితులు మెరుగ్గాఉండాలంటే మీకు కావలసింది ఏమిటి?

3 మీ కమ్యూనిటీలోని ప్రజల అవసరాలు ఏమిటి, మరియు మనం తెలియచేసిన అవసరాలను తీర్చడంలో ఒకరికొకరం ఎలా సహాయం చేసుకోవచ్చు?

4 మనం గతసారి కలిసినప్పుడు నేర్చుకున్న కథ ఏమిటి? దేవుని గురించి మరియు ప్రజల గురించి మనం ఏమి నేర్చుకున్నాము ?

5 మన గత సమావేశంలో, మీరు నేర్చుకున్న వాటిని అన్వయించుకోవాలని నిర్ణయించుకున్నారు . మీరు ఏమి చేసారు మరియు అది ఎలా జరిగింది?

6 గత కథలోని విషయాలను మీరు ఎవరితో పంచుకున్నారు? వారు ఎలా స్పందించారు?

7 మనం చివరిసారి కలిసినప్పుడు అనేక అవసరాలను గుర్తించాము మరియు ఆ అవసరాలను తీర్చడానికి ప్రణాళిక వేసుకున్నాము. అది ఎలా జరిగింది?

8 ఇప్పుడు, దేవుని నుండి ఒక కొత్త కథ విందాం...

³ మన ప్రభువైన యేసు క్రీస్తు తండ్రి అయిన దేవునికి స్తుతులు కలుగు గాక. ఆయన పరలోక విషయాల్లో సమస్త ఆధ్యాత్మిక ఆశీర్వాదాలతో క్రీస్తులో మనలను దీవించాడు. ⁴ క్రీస్తులో మనలను సృష్టికి ముందే దేవుడు ఎన్నుకున్నాడు. మనం ఆయన దృష్టిలో పరిశుద్ధులంగా నిందారహితులంగా ఉండేలా ఆయన మనలను ఎన్నుకున్నాడు. ⁵ యేసు క్రీస్తు ద్వారా మనలను తన సొంత కుమారులుగా స్వీకరించడానికి దేవుడు తన ప్రేమతో ముందుగానే నిర్ణయించుకున్నాడు. అలా చేయడం ఆయనకు ఎంతో ఆనందం. ఆయన ఆశించింది అదే. ⁶ తన దివ్యకృపను బట్టి స్తుతి పొందాలని దేవుడు దాన్ని తన ప్రియ కుమారుడి ద్వారా మనకు ఉచితంగా ప్రసాదించాడు. ⁷ దేవుని అపార కృప వల్లనే, ఆయన ప్రియ పుత్రుడు యేసు రక్తం ద్వారా మనకు విమోచన, పాప క్షమాపణ కలిగింది. ⁸ ఈ కృపను సమస్త జ్ఞాన వివేకాలతో ఆయన మనకు విస్తారంగా అందించాడు.

²⁶ యేసు క్రీస్తులో మీరంతా విశ్వాసం ద్వారా దేవుని కుమారులు. ²⁷ క్రీస్తులోకి బాప్తిసం పొందిన మీరంతా క్రీస్తును ధరించుకున్నారు. ²⁸ ఇందులో యూదుడు-గ్రీసుదేశస్థుడనీ దాసుడు-స్వతంత్రుడనీ పురుషుడు-స్త్రీ అనీ తేడా లేదు. యేసు క్రీస్తులో మీరంతా ఒక్కటిగా ఉన్నారు. ²⁹ మీరు క్రీస్తు సంబంధులైతే, అబ్రాహాము సంతానంగా ఉండి, వాగ్దానం ప్రకారం వారసులు. ¹ నేను చెప్పేదేమిటంటే, వారసుడు తండ్రి సంపద అంతటికీ యజమాని అయినప్పటికీ పిల్లవాడుగా ఉన్నంతకాలం అతనికీ దాసునికీ ఏ తేడా లేదు. ² తండ్రి నిర్ణయించిన రోజు వచ్చే వరకూ అతడు సంరక్షకుల, నిర్వాహకుల అధీనంలో ఉంటాడు. ³ అలాగే మనం పిల్లలంగా ఉన్నప్పుడు లోక సంబంధమైన మూల పాఠాలకు లోబడి దాసులంగా ఉన్నాము. ⁴ అయితే సరైన సమయం వచ్చినపుడు దేవుడు తన కుమారుణ్ణి పంపాడు. ఆయన స్త్రీకి పుట్టి, ⁵ మనం దత్తపుత్రులం కావాలని ధర్మశాస్త్రానికి లోబడి ఉన్నవారిని విమోచించడానికి ధర్మశాస్త్రానికి లోబడిన వాడయ్యాడు. ⁶ మీరు కుమారులు కాబట్టి, “అబ్బా! తండ్రీ!” అని పిలిచే తన కుమార ఆత్మను దేవుడు మన హృదయాల్లోకి పంపాడు. ⁷ కాబట్టి నీవిక ఏమాత్రం బానిసవి కాదు, కొడుకువే. కొడుకువైతే దేవుని ద్వారా వారసుడివి.

1 ఇప్పుడు, ఈ వచనాన్ని వినని స్నేహితుడికి చెప్పినట్లుగా ఎవరైనా ఈ వచనాన్ని తమ సొంత మాటలతో చెప్పనివ్వండి. ఏదైనా విడిచిపెట్టినా లేదా పొరపాటున ఏదైనా చేర్చినా వారికి సహాయం చేద్దాం. అలా జరిగితే మనం "కథలో అది ఎక్కడ కనిపిస్తుంది?" అని అడగవచ్చు.

2 ఈ కథ దేవుని గురించి, ఆయన స్వభావం గురించి, ఆయన చేసే పనుల గురించి మనకు ఏమి బోధిస్తుంది?

3 ఈ కథ నుండి మన గురించి, మరియు ఇతరుల గురించి మనం ఏమి నేర్చుకుంటాము?

4 శిష్యులుగా ఉండటం గురించి ఈ కథలో మనం ఏమి నేర్చుకుంటాము?

5 ఈ వారం మీ జీవితంలో ఈ కథలోని దేవుని సత్యాన్ని మీరు ఎలా అన్వయించుకుంటారు? మీరు చేసే నిర్దిష్ట చర్య లేదా పని ఏమిటి?

6 మనం తిరిగి కలవడానికి ముందు ఈ కథ నుండి ఒక సత్యాన్ని ఎవరితో పంచుకుంటారు? మనలాగే ఈ యాప్‌లో దేవుని వాక్యాన్ని కనుగొనడం ఇష్టపడే ఇతరులు మీకు తెలుసా?

7 మన సమావేశం ముగిసే సమయానికి, మనం మళ్ళీ ఎప్పుడు కలుద్దాం మరియు మన తదుపరి సమావేశాన్ని ఎవరు ఏర్పాటు చేస్తారో నిర్ణయించుకుందాం.

8 కలిసి గడిపిన ఈ సమయం చాలా బాగుంది. మీరు ఏమి చేస్తారని చెప్పారో గమనించమని మరియు మనం మళ్ళీ కలిసే ముందు రోజుల్లో ఈ కథను మళ్ళీ వినమని మేము మిమ్మల్ని ప్రోత్సహిస్తున్నాము. ఎవరి దగ్గరైనా కథ టెక్స్ట్ లేదా ఆడియో లేకపోతే ఫెసిలిటేటర్ వారితో పంచుకోవచ్చు. మనం ముందుకు వెళ్తూ, మనకు సహాయం చేయమని ప్రభువును అడుగుదాం.