إخلق مدن

1 مايد أش إجران من بعد كويد نمجماع تيكلت تمگاروت ، د ماتا لحاجت س تريد أتشكرت ربي غيفس

2 ماتا لحاجت شي سقلاقن إ سيمانة تخ ؟ د ماك اخاصان باش اد تحسنت لومور نش على خير.

3 مايد إگان لحتياجات نا إخصان مدن إ لمجتمع نش ، د ماني إمش سنغيي انمعاوان ڭراتنغ باش أنقن لحتياجات تخ .

4 ماتا لقيصت نا غيف نساول تيكلت نا إزرين ؟ د ما يد نلمذ غيف ربي د مدن؟

5 إ لجتماع نغ نا إزرين ، تقررت أد طبقت أينا تعلمت. ما تسكرت د ماني إمش زرينت لومور؟

6 شيين دمي تشاركت شان لحاجت زي لقيصت تخ؟ ماني إمش ايڭا لجواب نسن

7 إ تيكلت نا إ ڭران إجتماع نغ نساول غيف بزاف ن لحتياجات . نتافق باش أنگ ليمورات نا إخصان مدن ن لمجتمع نغ، د ماني إمش س زرينت لومور؟

8 دغي، أن نغر لقيصت توجديدت زي غور ربي

²⁶ أها ئنّا ربّي: «أنعديل بنادم خف صّورت نّخ، أد-اخ ئرويس! ئنبض خف ئسلمان ن لبحر د-ئجضاض ن-ئݣنّا د لبهايم د خف دّونييت كول د ماݣ تمروردن خف ؤديس ݣ واشال كول».‏²⁷ داي ئخلق ربّي بنادم خف صّورت نّس. أها ئرويس ربّي. ئخلقتن أوتم د توتمت.‏

⁷ داي ئعديل مولانا، ربّي نّخ أرݣاز زݣ تاتشا، أها ئصوض ݣ تينزار نّس س-ؤنفوس ن تودرت، داي ياغول ؤرݣاز ئݣ لموخليقت ئدّرن.‏⁸ أها ئݣ مولانا، ربّي نّخ يون ن-ؤرتو ݣ تمازيرت ن عدن تانيلا ن-ؤنقّر ن تافوشت. ئسّزدغ ديكس أرݣاز نّا ئعديل.‏⁹ أها ئسّمغيد ديكس مايد ئݣان أسكلو ئژيلن ݣ-ؤراعا، ياتفوضن ݣ-ؤتشي. ئلين سين ن-ئسكلا ݣ وامّاس ن-ؤرتو: أسكلو ن تودرت د-وسكلو ن توسنا ن-ؤينّا ئژيلن د-ؤينّا ؤر-ئحلين. ‏

¹⁵ ياسي مولانا، ربّي نّخ أرݣاز ئسيرست ݣ-ؤرتو ن عدن حما أت تيكرز أها ئحضوت.‏¹⁶ داي يامّر مولانا، ربّي نّخ أرݣاز، ئنّاياس: «تّش زݣ ئسكلا ن-ؤرتو كول أينّا تريد،‏¹⁷ غاس أسكلو ن توسنا ن-ؤينّا ئژيلن د-ؤينّا ئخان. غوراش أد زيكس تتّشد، ئدّخ أسّ ݣ زيكس تتّشيد، تدّيد أت تمّتّ». ‏¹⁸ داي ئنّا مولانا، ربّي نّخ: «ؤر ئژيل شا أد ييلي ؤرݣاز غاس نتّا. ئخصّا أد-اس ݣخ يوت ن تشريكت ن غا س-ئعاون».‏¹⁹ أها ئعديل مولانا، ربّي نّخ زݣ تاتشا مايد ئݣان لوحش د مايد ئݣان ئجضاض ن-ئݣنّا. أها ياويتنيد غر أرݣاز حما أد ييسين ماتّا ئسماون نّا سن ئتݣّا. كول مايد ئدّرن أد-ئتوسمّا س-ئسم نّا س-ئݣا ؤرݣاز.‏²⁰ أها ئݣ ؤرݣاز ئسماون يي مايد ئݣان لبهايم د-يجضاض ن-ئݣنّا د مايد ئݣان لوحوش ن لخلا. والاينّي أرݣاز ؤر يوفي شا ن تشريكت نّا غا س-ئعاون.‏²¹ داي ئسّݣن مولانا، ربّي نّخ أرݣاز يون ن-ؤنودّم ئژّاين. لّيݣ ئݣن، ياسي مولانا، ربّي نّخ يوت ن تغزديست زّيكس، أها ئعمر أدغار نّس س-ؤكسوم.‏²² س تغزديست نّا يوسي زݣ ؤرݣاز، ئعيدل مولانا، ربّي نّخ يوت ن تمطّوطّ أها ياويتيد يي ؤرݣاز.‏²³ غاس يانّايت ؤرݣاز ئنّا: «هان تاد دغي تݣا ئغصّ زݣ ئغصان ئنو د-ؤكسوم زݣ ؤكسوم ئنو، تاد أد-ئݣ ئسم نّس تامطّوطّ، ئدّخ تتواسي زݣ ؤرݣاز». ‏²⁴ أياد أخفّ دا ئتّادجا ؤرݣاز ئبّاس د مايس أها ئمّزداي د تمطّوطّ نّس، أغولن سّينّ نسن ݣين يوت ن صّاحت. ‏²⁵ ييلي ؤرݣاز د تمطّوطّ نّس حژّوضي ماشان ؤر حشّيمن.

1 دغي شان يان أداغ إعاود لقيصت تتخ س إواليونس ، أم إرا أت إعاود إعاود إشان يان ياضن نامي أوردجين أس إسفلد . د إخصاياخ أداسني نعاون أد أور تون شا نغد أد أور زايدن شا إ لقيصت تتخ س لغلاض . د أتني نسقسا . مش إجرا أويناح ، نغي أنسقسا ؛٠ ماني إيتلا لقيصت تتخ ٠

2 مايداغ تعلام لقيصت تتخ غيف ربي د غيف شخصية نس ٠ د غيف ما خف دايتگا ٠

3 مايدا تعلامت غيف مدن زي لقيصت تتخ ٠

4 ماني إمش س تريد أتطبق الحق نا نتعلام غيف ربي زي لقيصت تتخ إتودرتنش إسيمانة ييتخ ٠ ماتا لحاجت نا تريد نيت أتيطبقد ٠

5 نتا دمي أتشاركت صراحة ييتخ زي لقيصت تتخ قبل أنمجماعم تيكلت نا دي دان ٠ إس تسند شان مدن ياضن نا إران أد ييسين أوال ن ربي زي تطبيق تخ أم نكني ٠

6 جتماع نغ اقرب أد إشمل ، دغي إخصاياخ أن متفاق غيف مانتور أديخ نمجماع تيكلت ديدان ، د مايد إتكلاف أد إسير جتماع ديدان٠

7 نزري لوقت إحلان گراتنغ . أركني تشجاعخ باش أتقيدم أينا تنام أيتگيم إسيمانة ييتخ، د أتعاودم أتسفلدم إ لقيصت تتخ قبل أنمجماع تيكلت ديدان . مش إيلا شان يان زي ديكون أور غورس لقيصت تتخ توكتب نغد لمسجلة إغي ونا إسيرن جتماع إتخ أديست إشور. قبل أتدوم أنثر زي ربي باش أداغ إعاون.