ربي داي تهلاك مدن نا إگان شيطان

1 مايد أش إجران من بعد كويد نمجماع تيكلت تمگاروت ، د ماتا لحاجت س تريد أتشكرت ربي غيفس

2 ماتا لحاجت شي سقلاقن إ سيمانة تخ ؟ د ماك اخاصان باش اد تحسنت لومور نش على خير.

3 مايد إگان لحتياجات نا إخصان مدن إ لمجتمع نش ، د ماني إمش سنغيي انمعاوان ڭراتنغ باش أنقن لحتياجات تخ .

4 ماتا لقيصت نا غيف نساول تيكلت نا إزرين ؟ د ما يد نلمذ غيف ربي د مدن؟

5 إ لجتماع نغ نا إزرين ، تقررت أد طبقت أينا تعلمت. ما تسكرت د ماني إمش زرينت لومور؟

6 شيين دمي تشاركت شان لحاجت زي لقيصت تخ؟ ماني إمش ايڭا لجواب نسن

7 إ تيكلت نا إ ڭران إجتماع نغ نساول غيف بزاف ن لحتياجات . نتافق باش أنگ ليمورات نا إخصان مدن ن لمجتمع نغ، د ماني إمش س زرينت لومور؟

8 دغي، أن نغر لقيصت توجديدت زي غور ربي

⁵ يانّاي مولانا لوخّيت ن بنادم تعمر دّونيت د-ئخمّيمن نّس كول دّيما ؤر حلين.‏⁶ أها ئحرق مولانا، ئدّخ ئݣا بنادم ݣ واشال. أها ئقّيماس ݣ وول.‏

⁹ تاد أيد ئݣان لقيست ن سيدنا نوح: ئݣ سيدنا نوح يون ؤرݣاز ئصلحن، ئمنان ݣ أيت زّمان نّس. أها أر ئتدّو ݣ-ؤبريد ن ربّي.‏¹⁰ داي يارو سيدنا نوح شراض ن-ئشيرّان: يون ئسم نّس سام د يون ئسم نّس حام د يون ئسم نّس يافات. ‏¹¹ داي تخصر دّونيت س لموعصييات دات ن ربّي، ئعمر واشال س-ؤتعدّا.‏¹² يانّاي ربّي دّونيت. يافتين تخصر، ئدّخ ئسّفرغ مايد ئݣان بنادم كول أبريد ئمنان ݣ واشال. ‏¹³ داي ئنّاياس ربّي يي سيدنا نوح: «هاتين عوّلخ أد خلوخ مايد ئدّرن كول، ئدّخ ئعمر بنادم أشال س-ؤتعدّا، ها نكين دّيخ أت تن خلوخ نيتني د-واشال س تّحقيق.‏¹⁴ عديل يي يخف نّش يون ؤغرابو زݣ ؤكشوض ن تايدا. تݣد ديكس تيدّار، تامستاس ليدام زݣ جاج د برّا.‏¹⁵ عديلت ئمشيد: أد ئلينت ديكس تلت ميّا ن تݣويمت ݣ تاغزي نّس د خمسين ن تݣويمت ݣ تيروت نّس د-أم تلاتين ن تݣويمت ݣ-ئبدّي نّس.‏¹⁶ أها تݣداس يوت ن تريّاحت أت تيلي يوت ن تݣويمت ئنݣراس د-ؤكفاف، تݣداس تاݣّورت ݣ-ئديس، داي تݣد ديكس تيدّار تينادّاتين د تناماسين د تنافلّاتين.‏¹⁷ ها نكّين دّيخ أت تسّاقومخ خف واشال س وامان حما أد خلوخ مايد غيفس ئلّان كول نّاݣ-ئلّا رّوح ن تودرت ئلّان داو ن-ئݣنّا د-ؤينّا ئلّان كول خف واشال أد-ئمّت.‏¹⁸ ماشان دّيخ أݣّيدش ݣخ تاضا نو. أت تكشمد ݣ-ؤغرابو شݣّين د واراو نّش د تمطّوطّ نّش د توتمين ن واراو نّش أݣّيدش.‏¹⁹ أها تسكشمد أݣّيدش ݣ-ؤغرابو يوت ن تيوݣا أوتم د توتمت زݣ كول مايد ئݣان دّات نّا ئدّرن، سين زݣ مايد ئݣان شا حما أد ئديرن أود نيتني.‏²⁰ دّان أد غورش ددّون سين زݣ مايد ئݣان نّوع زݣ ئجضاض د لبهايم د لوحوش د-وينّا ئتمرورودن خف واشال حما أد-ئديرن. ‏²¹ ئد شݣّين أوي يي يخف نّش زݣ مايد ئتواتّان كول ئݣ ؤتشي أها تخزنت غورش حما أد-اش ئݣ ؤتشي ئݣاسنث».‏²² ئݣ سيدنا نوح كول أم ؤينّا س-ئنّا ربّي.

¹⁷ داي أمژن وامان ن تاقومت خف واشال ربعين ن واسّ. أل توعدون وامان أها أسين أغرّابو زݣ واشال.‏¹⁸ ݣّوتن وامان أها عدّون شايݣان خف واشال، ئقّيم ؤغرّابو أر ئتدو خف وودم ن وامان.‏¹⁹ داي عدّون وامان ئݣّوتن شايݣان خف واشال أها تّوغمسن لعواري كول ئخاتارن نّا ئلّان داو ن-ئݣنّا.‏²⁰ أليند وامان س-ام خمسطاعش ن تݣويمت نّيݣ ن لعواري.‏²¹ داي ئمّت مايد ئدّرن كول د-وينّا ئتحرّاكن خف واشال، زݣ ئجضاض د لبهايم د لوحوش د كول مايد ئتدّون خف ؤديس ݣ واشال د ميدّن كول.‏²² كول ونّا ݣ-ئلّا ؤنفوس ن تودرت زݣ ؤينّا ئلّان خف واشال أقورار ئمّوث كول.‏²³ داي ئخلو مولانا مايد ئلّان خف وودم ن واشال مايد ئدّرن كول، زݣ ميدّن د لبهايم د لوحوش د مايد ئتمرورودن خف ؤديس د-ئجضاض ن-ئݣنّا. خلان زݣ واشال أها ئقيم غاس سيدنا نوح هيلّي د-وينّا أݣّيدس لّانين ݣ-ؤغرّابو. ‏²⁴ داي قّيمن وامان ݣّوتن خف واشال ميّا د خمسين ن واسّ.

1 دغي شان يان أداغ إعاود لقيصت تتخ س إواليونس ، أم إرا أت إعاود إعاود إشان يان ياضن نامي أوردجين أس إسفلد . د إخصاياخ أداسني نعاون أد أور تون شا نغد أد أور زايدن شا إ لقيصت تتخ س لغلاض . د أتني نسقسا . مش إجرا أويناح ، نغي أنسقسا ؛٠ ماني إيتلا لقيصت تتخ ٠

2 مايداغ تعلام لقيصت تتخ غيف ربي د غيف شخصية نس ٠ د غيف ما خف دايتگا ٠

3 مايدا تعلامت غيف مدن زي لقيصت تتخ ٠

4 ماني إمش س تريد أتطبق الحق نا نتعلام غيف ربي زي لقيصت تتخ إتودرتنش إسيمانة ييتخ ٠ ماتا لحاجت نا تريد نيت أتيطبقد ٠

5 نتا دمي أتشاركت صراحة ييتخ زي لقيصت تتخ قبل أنمجماعم تيكلت نا دي دان ٠ إس تسند شان مدن ياضن نا إران أد ييسين أوال ن ربي زي تطبيق تخ أم نكني ٠

6 جتماع نغ اقرب أد إشمل ، دغي إخصاياخ أن متفاق غيف مانتور أديخ نمجماع تيكلت ديدان ، د مايد إتكلاف أد إسير جتماع ديدان٠

7 نزري لوقت إحلان گراتنغ . أركني تشجاعخ باش أتقيدم أينا تنام أيتگيم إسيمانة ييتخ، د أتعاودم أتسفلدم إ لقيصت تتخ قبل أنمجماع تيكلت ديدان . مش إيلا شان يان زي ديكون أور غورس لقيصت تتخ توكتب نغد لمسجلة إغي ونا إسيرن جتماع إتخ أديست إشور. قبل أتدوم أنثر زي ربي باش أداغ إعاون.