إيري ربي د وادجارنش

1 مايد أش إجران من بعد كويد نمجماع تيكلت تمگاروت ، د ماتا لحاجت س تريد أتشكرت ربي غيفس

2 ماتا لحاجت شي سقلاقن إ سيمانة تخ ؟ د ماك اخاصان باش اد تحسنت لومور نش على خير.

3 مايد إگان لحتياجات نا إخصان مدن إ لمجتمع نش ، د ماني إمش سنغيي انمعاوان ڭراتنغ باش أنقن لحتياجات تخ .

4 ماتا لقيصت نا غيف نساول تيكلت نا إزرين ؟ د ما يد نلمذ غيف ربي د مدن؟

5 إ لجتماع نغ نا إزرين ، تقررت أد طبقت أينا تعلمت. ما تسكرت د ماني إمش زرينت لومور؟

6 شيين دمي تشاركت شان لحاجت زي لقيصت تخ؟ ماني إمش ايڭا لجواب نسن

7 إ تيكلت نا إ ڭران إجتماع نغ نساول غيف بزاف ن لحتياجات . نتافق باش أنگ ليمورات نا إخصان مدن ن لمجتمع نغ، د ماني إمش س زرينت لومور؟

8 دغي، أن نغر لقيصت توجديدت زي غور ربي

²⁵ يان واسّ ئرا يوكّ زݣ ئسّلمادن ن - شّرع أد ئجرّب سيدنا عيسى أها ينّاياس: «أياسّلماد، ماي تّݣّاخ حما أد كّوساخ ثودرث ن - وابدا ݣ ـ دّجنث؟»‏²⁶ أها ينّاياس: «ماي دا يتّيني شّرع ن ـ سيدنا موسى؟ ماي ديكس ثفريد؟»‏²⁷ داي ينّاياس ؤرݣاز: «ئخصّاياش أد تّيريد مولانا ربّي نّش س - وول نّش كول، د - س - رّوح نّش كول، د - س - ؤينّامي ثغيد كول، د - س - لعقل نّش كول، أها ثيريد أدّجار نّش أم ئخف نّش».‏²⁸ داي ينّاياس سيدنا عيسى: «سثيتّ أي ثنّيد. ئوا يݣ أياد داي ثيديرد».‏²⁹ ماشان ئرا ورݣاز أد ئسراح ئخف نّس أها ينّاياس ئي سيدنا عيسى: «ئي ماني ونّا يݣّان أدّجار ئنو؟». ‏³⁰ ئرار غيفس سيدنا عيسى س ـ يوث ن ـ لقيسث ينّاياس: «ئلّا يان ؤرݣاز ئسرّحدّ زݣ لقدس غر أريحا، حاطّرناس ئقطّاطعين أها كشّضنث، ستّورسثنث، دّون زرينث ݣ ـ يير ن ـ ؤبريد ئنݣر ن - ثودرث د - لموث.‏³¹ داي هان يان ووداي ئݣان أنبداد ن ـ ثدّارث ن ـ ربّي ئزري زݣ ؤبريد نّا. نتّا يانّايث، أها يانف غر ثمناط ضنين.‏³² شوي ئدّود يوكّ زݣ أيث لاوي، نتّا ييوض غر ثاما نّس يانّايث، أها يانف غر ثمناط ضنين ن ـ ؤبريد ئدّو ييبردان نّس.‏³³ ماشان ئزري يوكّ زݣ أيث سّامرا (نّا ؤر أر تّيحميلن ووداين)، نتّا ييوضن غر ثاما ن ـ ؤرݣاز، يانّايث أها يسّنغيث ݣ - ثاسا.‏³⁴ ئتّوجي غورس، ئسودّماس شان زّيث د ـ شان وامان ن ـ واضيل خف ئثرساون نّس ياسّاسثن. أها يسنيث خف لبهيمث نّس ياويث غر يان لفندق ئتنهلّا ديكس». ‏³⁵ «س - أسكّا نّس، ئوشاس ئي باب ن - لفندق سينّ ن ـ ئقّاريضن ن ـ نّقّرث أها ينّاياس: "تنهلّا ݣ ـ ؤرݣاز أد، داي مش غيفس ثسخسرد ؤݣار ن ـ ؤياد، دّيخ أداش ثخلّصخ أدّاي دّاغولخ"». ‏³⁶ داي ينّاياس سيدنا عيسى ئي وسّلماد ن - شّرع: «ئوا مايداش ئضهرن؟ مان ديكسن ݣ - شراض أد أيد ئݣان أدجّار ن ـ وونّا خف ضرن ئقطّاطعين؟»‏³⁷ أها ينّاياس ؤسّلماد ن ـ شّرع: «ؤنّاس ئݣان رّحمث». داي ينّاياس سيدنا عيسى: «ئوا دّو أود شݣّينثين ثݣد أم وامشيد». ‏

²⁷ «ماشان أداون ئنيخ أوينّا دا سّغادنين: ئرياث ئنضليبن نّون، ثݣيم لخير ئي وينّا ؤر كون حميلنين،‏²⁸ ثتّرم ئي ربّي أد ئيݣ لباراكا ݣ ـ وينّا دا كون رݣّمنين، ثتّرماس زݣ ثنيلا ن - وينّا داون تݣّينين لعار.‏²⁹ ؤنّاش ئوّثن س ـ ؤباريق غر أݣّاي نّش، ثبرّمداسد أود وايّاض، د - ؤنّاش ييوين أژنّار نّش، ثادجّت أد ياوي أود ثاقبّوت نّش.‏³⁰ ؤنّاش ئتّرن شا، ثوشداسث، د - ؤنّاش ييوين أيدّا نّش، أد ؤر أسث تتّر.‏³¹ ئوا تݣّاواث ئي ميدّن أكيس ثرام أداون ثݣين». ‏

1 دغي شان يان أداغ إعاود لقيصت تتخ س إواليونس ، أم إرا أت إعاود إعاود إشان يان ياضن نامي أوردجين أس إسفلد . د إخصاياخ أداسني نعاون أد أور تون شا نغد أد أور زايدن شا إ لقيصت تتخ س لغلاض . د أتني نسقسا . مش إجرا أويناح ، نغي أنسقسا ؛٠ ماني إيتلا لقيصت تتخ ٠

2 مايداغ تعلام لقيصت تتخ غيف ربي د غيف شخصية نس ٠ د غيف ما خف دايتگا ٠

3 مايدا تعلامت غيف مدن زي لقيصت تتخ ٠

4 ماني إمش س تريد أتطبق الحق نا نتعلام غيف ربي زي لقيصت تتخ إتودرتنش إسيمانة ييتخ ٠ ماتا لحاجت نا تريد نيت أتيطبقد ٠

5 نتا دمي أتشاركت صراحة ييتخ زي لقيصت تتخ قبل أنمجماعم تيكلت نا دي دان ٠ إس تسند شان مدن ياضن نا إران أد ييسين أوال ن ربي زي تطبيق تخ أم نكني ٠

6 جتماع نغ اقرب أد إشمل ، دغي إخصاياخ أن متفاق غيف مانتور أديخ نمجماع تيكلت ديدان ، د مايد إتكلاف أد إسير جتماع ديدان٠

7 نزري لوقت إحلان گراتنغ . أركني تشجاعخ باش أتقيدم أينا تنام أيتگيم إسيمانة ييتخ، د أتعاودم أتسفلدم إ لقيصت تتخ قبل أنمجماع تيكلت ديدان . مش إيلا شان يان زي ديكون أور غورس لقيصت تتخ توكتب نغد لمسجلة إغي ونا إسيرن جتماع إتخ أديست إشور. قبل أتدوم أنثر زي ربي باش أداغ إعاون.