كويد إنشر دو س إگنا

1 مايد أش إجران من بعد كويد نمجماع تيكلت تمگاروت ، د ماتا لحاجت س تريد أتشكرت ربي غيفس

2 ماتا لحاجت شي سقلاقن إ سيمانة تخ ؟ د ماك اخاصان باش اد تحسنت لومور نش على خير.

3 مايد إگان لحتياجات نا إخصان مدن إ لمجتمع نش ، د ماني إمش سنغيي انمعاوان ڭراتنغ باش أنقن لحتياجات تخ .

4 ماتا لقيصت نا غيف نساول تيكلت نا إزرين ؟ د ما يد نلمذ غيف ربي د مدن؟

5 إ لجتماع نغ نا إزرين ، تقررت أد طبقت أينا تعلمت. ما تسكرت د ماني إمش زرينت لومور؟

6 شيين دمي تشاركت شان لحاجت زي لقيصت تخ؟ ماني إمش ايڭا لجواب نسن

7 إ تيكلت نا إ ڭران إجتماع نغ نساول غيف بزاف ن لحتياجات . نتافق باش أنگ ليمورات نا إخصان مدن ن لمجتمع نغ، د ماني إمش س زرينت لومور؟

8 دغي، أن نغر لقيصت توجديدت زي غور ربي

¹¹ ئد مريم تامجدليت تقّيم برّا ن تنضلت أر تّرو. لّيݣ أر تّرو، تسّيݣّ غر جاج ن تنضلت.‏¹² داي تانّاي سين ن لمالايكا س-ئعبان ئملّال ݣ-ودغار نّاݣ توسرس لݣنازت ن سيدنا عيسى، قّيمن يون ݣ وانسا ن-ئخف د وايّاض ݣ وانسا ن-ئضارن.‏¹³ نّاناس: «أثامطّوطّ، ماخ ألّيݣ دا تّروت؟» داي تنّاياسن: «هاتين ؤسين سيدي أها ؤر سّينخ ماني دا ت سرسين!»‏¹⁴ داي لّيݣ تنّا أياد، تبرّم غر ضارت، تانّاي سيدنا عيسى ئبدّ داد، ماشان ؤر تسّين ئد نتّا أينّا.‏¹⁵ أها ئنّاياس سيدنا عيسى: «أثامطّوطّ، مّاخ ألّيݣ دا تّروت؟ ماي تورزّود؟» تغال ئد باب ن وورتي، أها تنّاياس: «أسيدي، مشد شݣّ أيد تيوسين غاس ئنييي مانيدا ت تݣيد، أها دّيخ نكّ أت تاسيخ».‏¹⁶ داي ئغراياس سيدنا عيسى: «أمريم!» داي تبرّم غورس أها تنّاياس س تعبرانيت: «ربّوني!» لمعنا ن واوال-اد: ألموعلّيم.‏¹⁷ أها ئنّاياس سيدنا عيسى: «باراكا، أد ؤر ئ تّامژ، ئدّخ سولخ ألتو ؤر ؤليخ غر بّا ئنو، ماشان دّو غر أيتما ئنياسن: "هان نكّ دّيخ أد دّوخ غر بّانو نّا ئݣان ألّو بّاتون نتّا س-ئخف نّس أيد ئݣان ربّي نو أها ئݣ ربّي نّون ألّو"».‏¹⁸ داي تدّو مريم تامجداليت تنّا ئ ئمحضرن: «أنّايخ مولانا!» أها تقّيساسن كول أينّاس ئنّا. (ماتّى 28‏:16‏-20؛ مارقوس 16‏:14‏-18؛ لوقا 24‏:36‏-49‏) ‏¹⁹ نتّا تيوض تادݣّات ن واسّ نّا ن لحدّ، مݣراون ئمحضرن ݣ يوت ن تادّارت أها رݣلن تيفلوين مسقّم، ئدّخ ݣّدن زݣ ئخاتارن ن ووداين. شوي ئضهرد سيدنا عيسى ݣ أمّاس نّسن أها ئنّاياسن: «سّلام ن ربّي غيفون».‏²⁰ فّير مايد ئنّا أياد، ئنعتاسن ئفاسّن نّس د-ئديس نّس. داي فرحن ئمحضرن شايݣان لّيݣ أنّاين مولانا.‏²¹ أها ئنّاياسن سيدنا عيسى ديخ ألتو: «سّلام ن ربّي غيفون! هاتين أكيس ئ دّيوزن بّانو، أود نكّ، دا كون تّازنخ».‏²² نتّا ئنّا أياد، ئصوض غيفسن أها ئنّا: «رحبات س رّوح ن ربّي.‏²³ ميدّن نّا مي تغفرم دّنوب نّسن ئدّا ربّي أداسن ئغفر، ئد ميدّن نّا مي ؤر تغفيرم دّنوب نّسن ئدّا ربّي ؤر-اسن ئتّغفار». ‏²⁴ ماشان توما نّا ئݣان يون زݣ ئمحضرن س تناعش، نّا مي تّينين ئشني، ؤر ئلّي أݣّيدسن لّيݣ ئضهر سيدنا عيسى.‏²⁵ داي نّاناس ئمحضرن ياضن: «هاتين نانّاي مولانا!» والاينّي توما ئنّاياسن: «هاتين ؤر دّيخ أد-امنخ أبدا ئس ديكّر زݣ ئنݣر ن ئمتّين مش ؤر أنّايخ ليمارات ن-ئمسميرن ݣ-ئفاسّن نّس، ݣخ أضاض ئنو ݣ-ئدغارن ن-ئمسميرن أها ݣخ أفوس ئنو ݣ تسݣا نّس». ‏²⁶ داي ضارت ن تمانييا ووسّان، مݣراون ئمحضرن ديخ ألتو ݣ تادّارت ييلي أݣّيدسن توما. تواقّنت تفلوين مليح. ئضهرد سيدنا عيسى ݣ أمّاس ن-ئمحضرن أها ئنّاياسن: «سّلام ن ربّي غيفون».‏²⁷ ئنّاياس ئ توما: «ݣّ أضاض نّش داد أها تانّايد ئفاسّن ئنو، أژض أفوس نّش أها تݣت ݣ-ئديس ئنو. أد ؤر تشكّا شا، ماشان ئخصّاش أت تامند!»‏²⁸ ئواجبت توما: «مولانا د ربّي نو!»‏²⁹ داي ئنّاياس سيدنا عيسى: «تومنت ئدّخ ئ تانّايد أتوما! ماشان أياعري نّسن ئ وينّا يومن أها ؤر أنّاين». ‏³⁰ سيدنا عيسى ئݣا شايݣان ن تميتار ياضن دات ن-ئمحضرن نّس، ماشان ؤر تّوارينت ݣ لشتاب-اد.‏³¹ ئد تنّا ئتوارين، تّوارينت حما أت تامنم ئد سيدنا عيسى أيد ئݣان لمسيح، ممّيس ن ربّي. أها مش دا تّامنم، ئدّا س لجهد نّس أد-اون ئوش تودرت ن وابدا.

⁵⁰ داي ياويثن أر ثاما ن ـ ئغرم ن - بيت عانيا، ياسي ؤراون نّس، ئيݣ ديكسن لباراكا.‏⁵¹ نتّا أرثن ئسباراش، ئزريثن أها ئتّواسي س - ئݣنّا.‏⁵² داي بندقناس، أغولندّ غر لقدس فرحن شايݣان.‏

1 دغي شان يان أداغ إعاود لقيصت تتخ س إواليونس ، أم إرا أت إعاود إعاود إشان يان ياضن نامي أوردجين أس إسفلد . د إخصاياخ أداسني نعاون أد أور تون شا نغد أد أور زايدن شا إ لقيصت تتخ س لغلاض . د أتني نسقسا . مش إجرا أويناح ، نغي أنسقسا ؛٠ ماني إيتلا لقيصت تتخ ٠

2 مايداغ تعلام لقيصت تتخ غيف ربي د غيف شخصية نس ٠ د غيف ما خف دايتگا ٠

3 مايدا تعلامت غيف مدن زي لقيصت تتخ ٠

4 ماني إمش س تريد أتطبق الحق نا نتعلام غيف ربي زي لقيصت تتخ إتودرتنش إسيمانة ييتخ ٠ ماتا لحاجت نا تريد نيت أتيطبقد ٠

5 نتا دمي أتشاركت صراحة ييتخ زي لقيصت تتخ قبل أنمجماعم تيكلت نا دي دان ٠ إس تسند شان مدن ياضن نا إران أد ييسين أوال ن ربي زي تطبيق تخ أم نكني ٠

6 جتماع نغ اقرب أد إشمل ، دغي إخصاياخ أن متفاق غيف مانتور أديخ نمجماع تيكلت ديدان ، د مايد إتكلاف أد إسير جتماع ديدان٠

7 نزري لوقت إحلان گراتنغ . أركني تشجاعخ باش أتقيدم أينا تنام أيتگيم إسيمانة ييتخ، د أتعاودم أتسفلدم إ لقيصت تتخ قبل أنمجماع تيكلت ديدان . مش إيلا شان يان زي ديكون أور غورس لقيصت تتخ توكتب نغد لمسجلة إغي ونا إسيرن جتماع إتخ أديست إشور. قبل أتدوم أنثر زي ربي باش أداغ إعاون.