إد أنتوقع الاضطهاد؟

1 مايد أش إجران من بعد كويد نمجماع تيكلت تمگاروت ، د ماتا لحاجت س تريد أتشكرت ربي غيفس

2 ماتا لحاجت شي سقلاقن إ سيمانة تخ ؟ د ماك اخاصان باش اد تحسنت لومور نش على خير.

3 مايد إگان لحتياجات نا إخصان مدن إ لمجتمع نش ، د ماني إمش سنغيي انمعاوان ڭراتنغ باش أنقن لحتياجات تخ .

4 ماتا لقيصت نا غيف نساول تيكلت نا إزرين ؟ د ما يد نلمذ غيف ربي د مدن؟

5 إ لجتماع نغ نا إزرين ، تقررت أد طبقت أينا تعلمت. ما تسكرت د ماني إمش زرينت لومور؟

6 شيين دمي تشاركت شان لحاجت زي لقيصت تخ؟ ماني إمش ايڭا لجواب نسن

7 إ تيكلت نا إ ڭران إجتماع نغ نساول غيف بزاف ن لحتياجات . نتافق باش أنگ ليمورات نا إخصان مدن ن لمجتمع نغ، د ماني إمش س زرينت لومور؟

8 دغي، أن نغر لقيصت توجديدت زي غور ربي

¹⁸ «مش ؤر كون حميلن ميدّن ن دّونيت-اد، ئسينات ئس ؤر ئ حميلن داتاون.‏¹⁹ مور تݣيم زݣ ميدّن دّونيت، أكون ئرين، ئدّخ تݣام زيكسن. والاينّي ؤر تݣيم زݣ ميدّن دّونيت، ئدّخ كون ستيخ زݣ أمّاس نّسن. خف-ؤياد ؤر كون حميلن.‏²⁰ شتييات أوال نّاون نّيخ ياد: "هان ئسمغ ؤر يوݣير باب نّس". مش ئ مرّتن ئقنتنين أد كون مرّتن أود كونّي ألتو، داي مش ݣان س واوال ئنو، ئقنتنين أد ݣين ألتو س واوال نّون.‏²¹ ماشان دّان أد ݣين ئسّون أياد كول خف نّيرت ئنو، ئدّخ ؤر دا تّيسين ونّا ئ دّيوزنن.‏²² مور-ئد-ئس ؤر ددّيخ أها مور-ئد-ئس ؤر-اسن سيولخ، ؤر تدّي أت تّوحاسب غيفسن لمعصيت، ماشان دغي، ؤر غورسن أود يوت ن تسعضرت خف لمعصيت نّسن.‏²³ د ونّا ؤر ئ يحميل ؤر دا ئتّيحميل أود ئبّا.‏

¹⁶ هان نكّين داكون تّازنخ أم ئيشروان أمّاس ن-ووشّان، راراث لبال نّون أم ئفاغريون، توهينم أم ئتبيرن.‏¹⁷ ماشان رارات لبال نّون زݣ ميدّن، هاثين دّان أد كون تّاوين غر لمحكما، ؤوتن كون ݣ ثيدّروين ن-تژّاليت-نسن.‏¹⁸ ژّوغرن كون غر دات ن-ئنبّاضن د ئݣلّيدن خف نّيرت ن-ئسم ئنو ئمشي، تدّام أتشاهدم يي لݣنوس ؤر ݣينين ؤداين.‏¹⁹ أدّاي كون أوين أد ؤر تخمّامات ماي تّينيم نغد ماس تدّام أتّسيولم، ئدّخ تدّام ݣ لوقت نّا أداون ئتياش ماس تساوالم.‏²⁰ ئدّخ هاثين ؤر ئد كنّي أيد ئساوالن، ماشان رّوح ن بّاتون نّا ݣلّان ديݣون أݣدان أد ئسيول.‏²¹ ئقّنن يون أد ئيش ݣماس أتنغين، د بّانّس ن يون أد ئيش ممّيس أتنغين، عصون أرّاون لوالدين نّسن أها نغينتن!‏²² داي ؤر كن ئتّيحميل أود يون خف نّيرت ن-ئسم ئنو، ماشان ونّا ئتّساعافن أر تينݣيرا هاثين نتّا أيد ئتراحن.‏

1 دغي شان يان أداغ إعاود لقيصت تتخ س إواليونس ، أم إرا أت إعاود إعاود إشان يان ياضن نامي أوردجين أس إسفلد . د إخصاياخ أداسني نعاون أد أور تون شا نغد أد أور زايدن شا إ لقيصت تتخ س لغلاض . د أتني نسقسا . مش إجرا أويناح ، نغي أنسقسا ؛٠ ماني إيتلا لقيصت تتخ ٠

2 مايداغ تعلام لقيصت تتخ غيف ربي د غيف شخصية نس ٠ د غيف ما خف دايتگا ٠

3 مايدا تعلامت غيف مدن زي لقيصت تتخ ٠

4 ماني إمش س تريد أتطبق الحق نا نتعلام غيف ربي زي لقيصت تتخ إتودرتنش إسيمانة ييتخ ٠ ماتا لحاجت نا تريد نيت أتيطبقد ٠

5 نتا دمي أتشاركت صراحة ييتخ زي لقيصت تتخ قبل أنمجماعم تيكلت نا دي دان ٠ إس تسند شان مدن ياضن نا إران أد ييسين أوال ن ربي زي تطبيق تخ أم نكني ٠

6 جتماع نغ اقرب أد إشمل ، دغي إخصاياخ أن متفاق غيف مانتور أديخ نمجماع تيكلت ديدان ، د مايد إتكلاف أد إسير جتماع ديدان٠

7 نزري لوقت إحلان گراتنغ . أركني تشجاعخ باش أتقيدم أينا تنام أيتگيم إسيمانة ييتخ، د أتعاودم أتسفلدم إ لقيصت تتخ قبل أنمجماع تيكلت ديدان . مش إيلا شان يان زي ديكون أور غورس لقيصت تتخ توكتب نغد لمسجلة إغي ونا إسيرن جتماع إتخ أديست إشور. قبل أتدوم أنثر زي ربي باش أداغ إعاون.