³ فّير ن ـ مايد غيفس ئكّا ومرّث ن ـ لموث، ئفّغد غيرسن شايݣان ن ـ ثيلمرّات ݣ ـ ربعين ن ـ واسّ، يصّوحاياسن س - شايݣان ن - ثميثار ئيس ديكّر زݣ لموث، أها يسيولاسن خف ثݣلديتّ ن - ربّي.
⁴ نتّا أر ئتتّا أݣيدسن ݣ ـ ووسّان نّا، يوصّاثن ئنّاياسن: «أد ؤر تّفّغاث زݣ لقدس، عايناث أداوند يازن ئبّا أينّاون ئقاول، نّا خف أون سيولخ ياد.⁵ مشد يحيى أر ئتغبّاز ميدّن ݣ - وامان، ئيد كونّي ئدّا ربّي أكون ئغبّز ݣ - رّوح نس ضارث ن - شان ووسّان دروسنين».
⁶ نتّا مّݣراون ئمازانّ ديخ د ـ سيدنا عيسى سقسانث نّاناس: «أمولانا، ئيد دغي أݣ غا ثرارد ثاݣلديتّ ئي ثاروا ن ـ إسرائيل؟»⁷ أها ينّاياسن: «مايداون ئدّان ݣ ـ ؤياد أتّيسينم، ئدّخ زّماناث د ـ لاوقّاث ئبّا أي داثن ئسرسّان س - ثنباطّ نس،⁸ ماشان أدّاي غيفون دّيضر رّوح ن ـ ربّي، ئدّا أداون ئوش جّهد، أها ثݣيم ئنيݣان ئنو، ثقّيسماسن ئي ميدّن غيفي ݣ - لقدس، ݣ ـ ثمازيرث ن ـ أيث ياهودا س ـ ماس ثلّا، ݣ ـ سّاميرا، د - ݣ ـ مايد ئݣان أنسا ݣ ـ دّونيث كول».
© 2024 Bible Society of Morocco, used with permission