²⁶ ئد رّوح لقدوس أݣد نتّا داخيتعاوان ݣ ضّعف نّخ، ئتّخ نكني ؤر نسّين أنتّر أينّا ئصلحن ݣ تژّالّيت نّخ، والاينّي رّوح س-ئيخف نّس دا خ-ئتّشفاع آرئسحوزّور ربّي زݣ لجيهت نّخ س-ؤينّا ؤرغين ئواليون أد غيفس سّيولن.²⁷ د ربّي نّاي سّن ماݣ لّان ݣ-وولاون، داي تّيسين لموراض ن رّوح لقدوس ئتّخ دا ئتشفاع خف-وينّا قدّسنين أم-ؤينّا ئرا ربّي.²⁸ نكني نسّن ئد ربّي دا ئتّادجا كول ئسكّين أد خدمن ئ لخيرئ وينّا ت-ئتّيرين، ئوينّا مي ئغرا خف لحساب ن لموراض نّس.²⁹ ئتّخ وينّا ئسّن ربّي زݣ ؤومزوارو ئخثارثن زݣ تيزويري حما أد شبهن ئ تصويرا ن ممّيس، حما أد ئݣ أمنزو ئنݣر شيݣان ن واوماتن.³⁰ ئد وينّا ئيخثارربّي زݣ ثيزوري أود نيتني ئغرياسن، د وينّا مي ئغرا ئروراثن صلحن، د وينّا يرورا صلحن ئشاسن لعزّ نّس.
³¹ ئوا مايد نتّيني تفّير ن-ؤياد كول؟ مش ئلا ربّي أݣّيدنخ ماݣ دّان أد ييلي ضد نّخ؟³² ربّي ؤر ئسعزّا مميس غيفنخ، والاينّي ئيشاث ئ لموت غيفنخ كول، ئوا ميمش ألثو ؤراخ ياكّا أݣيدس كولشي؟³³ ماݣ دّان أد ئتهم وينّا يخثار ربّي؟ هاثين ربّي أيثن ئروران صلحن.³⁴ ماݣ غيين أد غيفسن ئحكم؟ ئتّخ عيسى لمسيح ئمّوت، ؤوݣار ن-ؤويا، ئكّرد زݣ ئنݣرئمتّين، نتّا أݣلّان خف ؤوفاسي ن ربّي حما أد غيفنخ ئشفع.³⁵ ماݣ غيين أداخ ئبضو د تايري ن لمسيح؟ ئد لمحاين، ماد ژيّار، ماد ضُّلم ماد لاژ ماد لعرا ماد لخطار ماد سّيف؟³⁶ ميمش ئتيارون ݣ لشتاب ن ربّي: «دا نتحطار ئ لموت غيفش كّوياس، نݣا أم وولّي ئتّوحرين غر تغرصا».³⁷ والاينّي ݣ لومور-اد كول ندّا أنرّو تيرّيت تختارت س ونّاخ ئران.³⁸ نكّين ئلّا غوري ليقين ئد لا لموت ولا تودرت ولا لملايكا ولا رويّاس ولا ئسكّين ن لوقت-اد ولا وين لوقتنّا ديدّان و لا لقوّات ن-ئݣنّا،³⁹ لا لعلو ولا ثيغبا ولا أود شان لمخلوقاث ياضنين أد ئغيين أداخ بضون د تايري ن ربّي نّاي ضهرن ݣ عيسى لمسيح مولانا نّخ.
© 2024 Bible Society of Morocco, used with permission