⁵ «دغي، ها يي دّيخ أد دّوخ غر ونّا ئ دّيوزنن، أها أود يون زّيݣون ؤر ئ ئسقسا: "ما غر تدّوت؟".⁶ ماشان ئدّخ-أون نّيخ ئسكّين-اد، عمّرن وولاون نّون س لغيار.⁷ والاينّي داون تّينيخ لحقّ: هات يوفاون أد دّوخ، ئدّخ مش ؤر دّيخ ؤر غورون دّيتدّو ؤمعاون، ئد مش دّيخ، دّيخ أداون تيد أزنخ.⁸ داي أدّاي ديدّو، ئدّا أد-ئسباين ئ ميدّن ن دّونيت أينّا سّن خف لمعصييت د-ؤينّا ئمنان د خف لحكام ن ربّي ئس ؤر ئصحي.⁹ أينّا سّن ميدّن خف لمعصييت ؤر ئصحي، ئدّخ ؤر ئسّي ؤمين،¹⁰ ئد أينّا سّن ميدّن خف ؤينّا ئمنان ؤر ئصحي، ئدّخ أينّا ئمنان دا ئتبايان ݣ ؤياد: دّيخ أد دّوخ غر ئبّا أها ؤسار ئ تّانّايم،¹¹ أينّا سّن ميدّن خف لحكام ن ربّي ؤر ئصحي، ئدّخ أخاتار ن دّونيت-اد نّا ئݣان شّيطان هاتين ئتّوحكم غيفس ياد.
¹² هاتين لّان غوري ديخ ألتو شايݣان ئسكين نّاون تّينيخ، ماشان وعرن غيفون أد تن تفروم دغي.¹³ والاينّي أدّاي دّيدّو رّوح ن لحقّ، ئدّا أداون ئسنعت شوي س شوي لحقّ كول. هاتين ؤر ئدّي أد ئسّيول زݣ ئخف نّس، ماشان ئدّا أداون ييني أينّا مي ئدّا أد ئسلّ كول زݣ ربّي أها يينياون أينّا ئدّان أد ئجرو.¹⁴ نتّا أد ئسباين لعزّ ئنو، علاحقّ أد يامژ أينّا ئݣان وينو أها يينياونت.¹⁵ أينّا ئلّان غر ئبّا كول، وينو أيد ئݣا ألتو، خف أياد أخف-اون نّيخ ئس ئدّا رّوح ن لحقّ أداون ييني أينّا ئدّا أد يامژ زّيݣي.
© 2024 Bible Society of Morocco, used with permission