¹ داي مشد سثيتّ داون ياكّا لماسيح لجهد، أراون ثاكّا ثايري نّس زّعامث، أها يزديكون رّوح ن ـ ربّي، د ـ مش سثيتّ ثلّا ديݣون شان ثاسا د ـ رّحمث،² ئوا سّفرحاثي ؤݣار أدّاي ثمساسام ئنݣراثون، أر تّمييريم ئنݣراثون، د ـ أدّاي ثݣيم أمّ يوكّ ييلي غورون يان رّاي.³ أد ؤر تݣّاواث أود ئميقّ س ـ ؤمّنزاغ نغد س ـ ثحرفشث؛ أد ؤر ؤرزّوياث أد تسخاثارم س ـ ئخفاون نّون، ماشان تّحاساباث وييّاض ئيس كون ؤفن.⁴ أد ؤر تتّاوياث غاس ݣ ـ ؤينّا كون ئتّنفاعن كونّي ماشان أود ݣ ـ ؤينّا يتّنفاعن وييّاض.⁵ ئخصّاياس ئي وݣراو ن ـ ئمومنّ أد تخمّامن ئمشينّا دا يتخمّام لماسيح:⁶ نتّا يكّا زݣ ثيزويري يݣا كّيف كّيف د ـ ربّي،
ؤر ئنّي ݣ ـ ئخف نّس هان أمساسا نّس د ـ ربّي ئݣا غورس شا نّاݣ ئتشبّار،⁷ ماشان ئزري س ـ لخاضر نّس أنسا ن ـ لعزّ حما أد ئيݣ ئخف نّس كّيف كّيف د ـ ئسمغ،
ياغول ئݣا أمّ بنادم. داي لّيݣ ياغول ئݣا بنادم،⁸ ئسّمژيي س ـ ئخف نّس أها يضاع ربّي أر لموث، أود لموث خف ئحنيݣن ن ـ ؤطّورق.⁹ خف ؤياد، ئسّيليث ربّي غر أنسا ن ـ لعزّ أنافلّا كول، أها يوشاس ئسم نّا غر ثلّا ثنباطّ نّا يوݣرن ثين ييسماون كول¹⁰ حما كّو يوكّ ݣ ـ ئݣنوان د ـ خف واشال د ـ دّاو ن ـ واشال أدّاي يسلّا ئي ييسم ن ـ سيدنا عيسى أد ئوث خف ئفادّن نّس.¹¹ د ـ كّو يوكّ أد ئبرّح س ـ ؤقمو نّس ئيد سيدنا عيسى لماسيح أيد ئݣان مولانا، حما أد ئتّوسّمغر ربّي يبّاثنخ.
© 2024 Bible Society of Morocco, used with permission