¹ داي ئسيول سيدنا عيسى يي تربّاع د ئمحضار نّس.² ئنّاياسن: "لكورسي ن موسى أخف مي قّيمان لعولاما ن شّرع د ئفرّيسيّين،³ أينّاون نّان كول ݣاث ثحضومث، ماشان أد ؤر تݣّاث أينّا تݣّان، ئدّخ أينّا س دا سّاوالن ؤر دا تتݣّان:⁴ هاثين دا تّسّان أݣّاثن ئزّاين وعرنين ݣ واسّاي ݣينثن خف ثغرضين ن ميدّن، ئد نيثني ؤر دا تّيرين أتن حادان أود س-ؤضاض نسن.⁵ أر تݣّان ئسكين نّسن كول داث ن ميدّن حما أتن أنّاين أر سّمغور ئشدّال نّسن، أر سغزيفن ئشضران ن ملسيوث نّسن،⁶ أر تّيرين أد قّيمن ݣ ؤدغار أمزوارو ئزيل ݣ زّرداث د وانسيون ئمزوورا ݣ ثيدّار ن دزالّيت ن ربّي،⁷ أر تّيرين أد غيفسن سلمن ميدّن ݣ لاسواق، أراسن قّارن ميدّن: أسيدي.⁸ ئد كنّي أد ؤر تّادجّاث أود يون أداون ئغر أسيدي، ئدّخ كنّي كول أوماثن أي ثݣام، غرون يون ن سيدي نّون نتّا أݣّان لمسيح.⁹ أد ؤر قّاراث يي أود يون بّانو ݣ دّونيت، ئدّخ يون بّاثون أݣ لاّن ئلاّ ݣ ئݣنوان.¹⁰ أد ؤر تّادجّاث أود يون أداون ئقّار ألموعلّـيم، ئدّخ غورون يون لموعلّيم نتّا أݣّان لمسيح.¹¹ ئد أخاثار ديݣون ئخصّاص أد يݣ أخدّام نّون.¹² هان ونّا ئسمغور ئيخف نّس ئدّا أد ئمـﮋيݣ، ئد ونّا ئسّمـﮋين ئخف نّس ئدّا أد-ئمغور.
© 2024 Bible Society of Morocco, used with permission