¹ ألّيݣ يانّاي سيدنا عيسى شيݣان ن ميدّن يالي غر عاري، ئطّارح، دّوند غورس ئمحضرن نّس.² ئكّر أر تن-ئسّقرا أراسن ئتّيني:³ "أياعري نّون أييمژلاض ئدّخ تݣا تݣلديت ن ربّي تينّون.⁴ أياعري نّسن يي وينّا ئحزنن، ئدّخ دّان أد تّوعزان.⁵ أياعري-نّسن ئ-وينّا ئتواضعن، ئدّخ دّان أد كّوسن أشال.⁶ أياعري نّسن يي وينّا ݣ ئلّا لاژ د فاد ن-ؤبريد ن ربّي، ئدّخ دّان أتافن.⁷ أياعري نّسن يي وينّا ݣ تلّا رّحمت، ئدّخ دّان أد تّورحمن.⁸ أياعري نّسن يي وينّا مي ئصفا ؤول، ئدّخ دّان أد أنّاين ربّي.⁹ أياعري نّسن ئ-وينّا ئزرّعن ئفسان ن لهنا، ئدّخ دّان أد تّوسمان أرّاو ن ربّي.¹⁰ أياعري نّسن ئ-وينّا ئتّوعدّابن ئيتدخ تفارن أبريد ن لمسيح، ئدّخ تينسن أيتݣا تݣلديت ن-ئݣنوان.¹¹ أياعري-نّون مش كون رݣمن، مرميدّن كون أها ئنين غيفون أوال ؤر ئحلين ئݣان ئحلّالن خف نّيرت-ئنو نكّين.¹² فرحات ترشقاون، ئدّخ ئدّا أد ئمغور لاجر نّون غر ربّي، هاثين ئمشيد أيد مرمدن ميدّن لانبييا نّا زرينين.
(مارقوس 9:50؛ لوقا 14:34-35)
© 2024 Bible Society of Morocco, used with permission