⁵ د ويد أيد ئݣان تناعش نّا يوزن سيدنا عيسى ئوصّاتن ئنّاياسن: "أد-ؤر تدّويات غرلݣنوس ؤر ئݣين ؤوداين، أد-ؤر كشمات غر تمدينث ن-ئساميريين،⁶ ماشان دّويات غر ئشروان يوشكانين ن ثادّارث ن-إسرائيل،⁷ داي أدّاي تدّوم سيولات أر تينيم هان تاݣليت ن-ئݣنوان ثقربد.⁸ جّوجييات ئموضين، تسكّرم ئمتّين، تجّوجيم وينّا ݣ ئلّا لبرص، تسّوفغم أدجّنون، ئدّخ ثومژم باطّل، ؤشات باطّل.⁹ أد ؤر تّاويات دّهب نغد نّقّرت نغد نّحاس ݣ ئفكّاسن نّون،¹⁰ أد-ؤر تّاويات لعوين ݣ ؤبريد، لا سين ئعبان، ولا ئكوربين، ولا أعكاز، ئدّخ ئستاهل ؤخدّام أد ئتتّا ؤتشي نّس.
¹¹ تامدينث نغد ئغرم نّا غر تكشمم، رزويات ديكس خف ونّا ئستاهل أد غورس تيليم، تقّيمم غورس أر زّيكس تمّوتّيم.¹² داي أدّاي تكشّمم غر تادّارت تسلّمم غيفس.¹³ داي مش ستاهل ثدّارت نّا أغيفس دّيݣّز سلام نّون ئدّا أد غيفس ديݣز، ئد مش ؤر تستاهل ئدّا أد غورّون ديعايد سلام نّون.¹⁴ ئد ونّا ؤر ئسّون ئرحيبن ؤر دائسغاد يي واوال نّون، فّغات زݣ تادّارت نّا نغد زݣ تمدينث نّا غر برّا أها تنقّرم أود أݣضرور زݣ ئضارن نّون.¹⁵ هاثين لحق أداون تّينيخ: ئقّنن لحالت ن تمدينين ن سادوم د عمورة أد ئوهين لعيقاب خف لحالت ن تمدينث نّا".
(مارقوس 13:9-13؛ لوقا 21:12-17)
¹⁶ هان نكّين داكون تّازنخ أم ئيشروان أمّاس ن-ووشّان، راراث لبال نّون أم ئفاغريون، توهينم أم ئتبيرن.¹⁷ ماشان رارات لبال نّون زݣ ميدّن، هاثين دّان أد كون تّاوين غر لمحكما، ؤوتن كون ݣ ثيدّروين ن-تژّاليت-نسن.¹⁸ ژّوغرن كون غر دات ن-ئنبّاضن د ئݣلّيدن خف نّيرت ن-ئسم ئنو ئمشي، تدّام أتشاهدم يي لݣنوس ؤر ݣينين ؤداين.¹⁹ أدّاي كون أوين أد ؤر تخمّامات ماي تّينيم نغد ماس تدّام أتّسيولم، ئدّخ تدّام ݣ لوقت نّا أداون ئتياش ماس تساوالم.²⁰ ئدّخ هاثين ؤر ئد كنّي أيد ئساوالن، ماشان رّوح ن بّاتون نّا ݣلّان ديݣون أݣدان أد ئسيول.
© 2024 Bible Society of Morocco, used with permission