⁵ واد أيد ئݣان لخبار نّا مي نسلّا زݣ يسوع لمسيح أها أر كون ئس نتخبّار: هان ربّي ئݣا أَسِيد ؤر ديݣس تيلّاس قّاح.⁶ مش ننّا: "هاثين تلّا غورّخ ئس توشركا، أر نتعيش ݣ تيلّاس، هاثين دا نسحيلّيل أها ؤر دا نتݣّا س لحق".⁷ والاينّي مش دا نتدّو ݣ ؤسيد، ئيمش ئلّا نتّا ݣ ؤوسيد، هاثين تلّا غورخ تامونت ئنݣرات نّخ د ئدامن ن يسوع لمسيح، ممّيس، داخ سّيريدن زݣ دّنوب نّخ كول.⁸ مش ننّا: "ؤر لّين ديݣنخ دّنوب، دا نتغشّا ئخفاون نّخ أها ؤر ديݣنخ ئلّي لحق".⁹ والاينّي مش نقرّا س دّنوب نّخ، هان ربّي ئلّا ديݣس لامان أر ئحكّم س لحقّ، أراخ ئيتغفار دّنوب نّخ، أراخ ئتصفّا زݣ كول مايد ئݣان أينّا ؤر ئحلين.¹⁰ مش ننّا: "ؤر ديݣنخ دّنوب هاثين نرورا ربّي دايسحيلّيل ئد أوال نّس ؤر ديݣنخ ئلّي".
¹ أياراو ئنو، داون تّاروخ أياد حما ؤر تݣّام دّنوب. داي مش ئݣا شان يون دّنب، هاثين ئلّا غورّخ يون ؤشفيع نتّا أݣّان عيسى لمسيح ئتّوبرّان، نّا ئتّشفاعن غيفنخ دات ن بابا ثنخ.² نتّا أيد ئݣان تامغروصت خف دّنوب نّخ، ؤر ئد غاس دّنوب نّخ، والاينّي أود وين دّونيت كول.
© 2024 Bible Society of Morocco, used with permission