¹⁰ ئقّيمايي أداون ئنيخ أيايثما د ـ ئسثما، عوّلاث خف مولانا أداون يوش لجهد س ـ ثيغيتّ نّس ثاخاثارث.¹¹ أسياث سّناح ن ـ ربّي س ـ ماس ئلّا حما أتّيغيم أتنّاليم ثيخندالّاسين ن ـ شّيطان.¹² ئدّخ ؤر ئيد بنادم أي دا دنتّمواث، ماشان دا نتّمّواث د ـ ئنمغورّ د ـ ئنبّاضن نّا ؤر دا نتّانّاي، د ـ وينّا نّا دا تّنباضنين خف دّونيث أد مّ ـ ثيلّاس، أر نتّمّواث د ـ وادّجنون نّا زدغنين ئنݣر ن ـ ييݣنّا د ـ واشال.¹³ خف ؤياد، أسياث سّناح نّاون ئوشا ربّي كول أمّي ثنسام أعبان حما أتّيغيم أتنّاليم شّيطان ݣ ـ واسّ نّا ݣ ـ غيفون ديهدّجم، أها ثقّيميم ثزݣّام ؤر تّعايادم غر ضارث أرد ثشمّلم ئمنغي.
¹⁴ ئوا زݣّاواث ثفكسم س ـ لحقّ ثݣيمث د ـ أمّ ؤفكّاس، ثݣيم أينّا يصلحن د ـ أمّ ثزيبّا أداون ثحضو ئدمارّ نّون.¹⁵ ثقّنم زّعامث ئي يضارّ أمّ ئدوكا حما أتبرّحم س ـ ئنغميسن ژيلنين خف لهنا.¹⁶ د ـ نّيݣ ن ـ ؤياد كول، ليمان نّون ݣ ـ مولانا أداون ئيݣ أمّ ثمسّنثلث نّاس تّيغيم أتنّاليم ثانّبلين ن ـ شّيطان نّاݣ ثاغ لعافيث.¹⁷ د ـ ليمان نّون ن ـ ئيس كون ئفوكّا ربّي أكون ئحضو ئمشينّا دا ثحطّو طّاݣيّا ن ـ ووزّال ئقرّا نّون، ثاسيم أوال ن ـ ربّي أمّ ثفروتّ نّاون ئوشا رّوح نّس.¹⁸ تݣّاواث أياد كول س ـ ثژالّيتّ د ـ ثوثرا ئي ربّي، أر تژالّام ݣ ـ مايد ئݣان لوقث د ـ رّوح ن ـ ربّي ئدّا أكون ئسعاون. حضوياث ثژالّيتّ أد ؤر زّيكس تّوحيلاث، أر تتّرم ئي ربّي كّوياسّ زݣ ثنيلا ن ـ ئمومنّ كول.¹⁹ ثتّرماس زݣ ثنيلا نو أو نكّينين أد ئي يتّاكّا ئواليون نّا يي يخصّان حما أد تبرّاحخ س ـ طّايطاي ئي ميدّن خف ؤينّا يفّرن ݣ ـ ئنغميسن ژيلنين،²⁰ نّامي ݣيخ أمازان ئتّوشرفن س ـ ثيفرين، ثتّرماس حما أد ئغيخ أد ئسّن تبرّاحخ س ـ طّايطاي ئمشينّا غيفي يلّان.
© 2024 Bible Society of Morocco, used with permission