لكنيسة تݣا لميلك ن ربي

1 مايد أش إجران من بعد كويد نمجماع تيكلت تمگاروت ، د ماتا لحاجت س تريد أتشكرت ربي غيفس

2 ماتا لحاجت شي سقلاقن إ سيمانة تخ ؟ د ماك اخاصان باش اد تحسنت لومور نش على خير.

3 مايد إگان لحتياجات نا إخصان مدن إ لمجتمع نش ، د ماني إمش سنغيي انمعاوان ڭراتنغ باش أنقن لحتياجات تخ .

4 ماتا لقيصت نا غيف نساول تيكلت نا إزرين ؟ د ما يد نلمذ غيف ربي د مدن؟

5 إ لجتماع نغ نا إزرين ، تقررت أد طبقت أينا تعلمت. ما تسكرت د ماني إمش زرينت لومور؟

6 شيين دمي تشاركت شان لحاجت زي لقيصت تخ؟ ماني إمش ايڭا لجواب نسن

7 إ تيكلت نا إ ڭران إجتماع نغ نساول غيف بزاف ن لحتياجات . نتافق باش أنگ ليمورات نا إخصان مدن ن لمجتمع نغ، د ماني إمش س زرينت لومور؟

8 دغي، أن نغر لقيصت توجديدت زي غور ربي

¹ ستيتّ أيايتما، ؤرغيخ أد-اون سيولخ أمي دا ساوالخ يي ميدّن نّا ݣ ئلّا رّوح ن ربّي، ماشان ئلا غيفي أد-اون سيولخ أم ميدّن نّا ئتباعن شهوات نسن، وينّا غر ؤرئلّي رّوح ن ربّي، نغد أم تسلميوين نّا ئبدان دا تدّون ݣ-ؤبريد ن لمسيح.‏² خف ؤياد وشيخ-اون أغو، ؤر-اون وشيخ ؤتشي أقورار ن-ئخاتارن، ئدّخ تسولم ؤر-اس تغييم. أها أود دغي تسولم ؤر-اس تقادّام،‏³ لاحقّاش تسولم تݣام أم ميدّن نّا ئتباعن شهوات نسن، ئسول ئلّا ئنݣراويت لحسد د-ئمنغان. ئس ؤر تݣيم أود كونّي زيكسن أها أر تݣّيم أم نيتني؟‏⁴ ئوا، أدّاي دا ئتّيني شا زّيݣون: «نكّين وين بولوس»، ييني وايّاض «نكّين وين أبولّوس». ئس ؤر تݣيم أم ميدّن-اد؟ ‏⁵ ئنياتي، مايد ئمس أبولّوس؟ د مايد ئمس بولوس؟ ئس ؤر ئد غاس ئسمغان ن ربّي؟ هاتين نيتني أيد ئݣان سّابوب حما أت تّامنم. كو يون دا ئتݣّا لخدمت نّا س-ئوشا مولانا.‏⁶ نكّين زرعخ، أبولوس ئسّوا، ماشان ربّي ئسخاتر.‏⁷ ونّا ئزرعن د ونّا ئسّوان ؤر واتان والو، ماشان ربّي نّا ئسخيتيرن أمي ئمقّور وادّور.‏⁸ ونّا ئزرعن د ونّا ئسّوان ݣان كيف كيف، والاينّي كو يون ئدّا أد يامژ تيغراض نّس خف لحساب ن لخدمت نّا ئݣا.‏⁹ ئدّخ نكني دا نخدّم غر ربّي، ئد كونّي تݣام ئݣر ن ربّي د لبني نّس. ‏¹⁰ س نعمت نّا يي ئوشا ربّي، بنيخ لّساس أم شا ن لمعلّم ن-ئبنّاين، دغي، دا غيفس يوبنّو حدّ ياضن. غاس، ئخصّا كو يون أد ئرار لبال ميمشي يوبنّو.‏¹¹ ئدّخ لّساس نّا ئلّان ياد، نتا أيد ئݣان عيسى لمسيح، د-اود يون ؤر ئتّيغي أد ئݣ لّساس ياضن.‏¹² والاينّي، مش ئبنا شا ن يون خف لّساس-اد س دّهب نغد س نّقرت نغد س دياماند نغد س-ؤكشّيض نغد س-ؤخشلاع نغد س واليم،‏¹³ ݣ واسّ ن لحساب، تدّا ات تباين لخدمت ن كو يون أها توا سّن. ئدّخ أسّ نّا أد ئݣ أسّ ن لعافيت تاخاتارت، لعافيت اد أت تسنعت ميمشي تݣا لخدمت ن كو يون.‏¹⁴ مش تدا أت تقّيم لخدمت نّا ئتوبنان خف لّساس، ئدّا أد يامژ باب نّس تيغراض،‏¹⁵ والاينّي مش تدا أتغوس، ؤر ئدّي أد يامژ تيغراض، نتا س-ئخف نّس ئدّا أد ئفوكّا، ماشان ئݣا أمّي ئزري زݣ أمّاس ن لعافييت.‏

²¹ خف ؤياد، ؤر ئخصّا يي أود يون أد ئفيّش خف ميدّن، ئدّخ مايد ئݣان أسكّين وينّون أيد ئݣا،‏²² ئݣا بولوس نغد أبولّوس نغد بطرس نغد دّونييت نغد تودرت نغد لموت نغد شا ؤسكّين ن تاسّاعت-اد نغد شا ؤسكّين نّا ئدّان أد ئدّو. ئسكّين-اد كول وينّون أيد ݣان.‏²³ ئد كونّي تݣام وين لمسيح، ئݣ لمسيح وين ربّي.

1 دغي شان يان أداغ إعاود لقيصت تتخ س إواليونس ، أم إرا أت إعاود إعاود إشان يان ياضن نامي أوردجين أس إسفلد . د إخصاياخ أداسني نعاون أد أور تون شا نغد أد أور زايدن شا إ لقيصت تتخ س لغلاض . د أتني نسقسا . مش إجرا أويناح ، نغي أنسقسا ؛٠ ماني إيتلا لقيصت تتخ ٠

2 مايداغ تعلام لقيصت تتخ غيف ربي د غيف شخصية نس ٠ د غيف ما خف دايتگا ٠

3 مايدا تعلامت غيف مدن زي لقيصت تتخ ٠

4 مايدا تعلام زي لقيصت تتخ زعما نگا لكنيسة ٠

5 ماني إمش س تريد أتطبق الحق نا نتعلام غيف ربي زي لقيصت تتخ إتودرتنش إسيمانة ييتخ ٠ ماتا لحاجت نا تريد نيت أتيطبقد ٠

6 نتا دمي أتشاركت صراحة ييتخ زي لقيصت تتخ قبل أنمجماعم تيكلت نا دي دان ٠ إس تسند شان مدن ياضن نا إران أد ييسين أوال ن ربي زي تطبيق تخ أم نكني ٠

7 جتماع نغ اقرب أد إشمل ، دغي إخصاياخ أن متفاق غيف مانتور أديخ نمجماع تيكلت ديدان ، د مايد إتكلاف أد إسير جتماع ديدان٠

8 نزري لوقت إحلان گراتنغ . أركني تشجاعخ باش أتقيدم أينا تنام أيتگيم إسيمانة ييتخ، د أتعاودم أتسفلدم إ لقيصت تتخ قبل أنمجماع تيكلت ديدان . مش إيلا شان يان زي ديكون أور غورس لقيصت تتخ توكتب نغد لمسجلة إغي ونا إسيرن جتماع إتخ أديست إشور. قبل أتدوم أنثر زي ربي باش أداغ إعاون.