¹ دغي، أيايتما، نرا أت تيسينم ميمشي تباين نّعمت ن ربّي ݣ ئݣراون ن - ئمومن ݣ تمزيرت ن مكدونية.² نّا توجربنين س تماروين ئحرّين، ماشان أفراح نّسن ئخاتر أها سباين ئس دا تݣّان لخير مقّار ݣان ئمژلاض.³ د نكّين ݣيخ شّاهد ئس وشان س لخاضرنّسن ؤر ئد غاس أينّا مي غيين، ماشان وشان ؤݣار ن - ؤينّا مي غيين.⁴ أهَا سْحوژّرْن - اخ شايْݣان أدْ أمُونْ ݣ ؤُعَاوْنْ يِي ئِمُومْنْ نْ تمدينت ن لقدس.⁵ هاتين ݣان ؤݣار ن - ؤينّا ديكسن ندما، ݣ - ؤمزوارو وشان ئخف أون نسن يي مُولَانَا أها وشان - أخت س لموراض ن ربّي.⁶ أيَادْ أخْفْ نتّر زݣ وماتنخ تيطس أد ئشمّل لخير - اد غورون أم لّيݣ تين ئبدا تيزويري.⁷ ئوا ئدّخ تݣام شّبّاع ݣ مايد ئݣان شا: ݣ ليمان، د واوال، د توسنا، د لحراشييت، د تايري نّا خ تّيريم، خف ؤياد دا أون نتتّر أت تݣيم شّبّاع ݣ توݣّي ن لخير ألّو.
⁸ أياد ؤر ئݣي لامر، ماشان دا أون ساوالخ خف لحراشيت ن - ئمومن ياضن حما أد صوحّاخ تايري نّون.⁹ ئدّخ تسّنم نعمت ن مُولَانَا عيسى لمسيح، نتا نّا ئݣان شّابع، ماشان ياغول ئݣا أمژلوض غيفون، باش أتݣيم كونّي شّبّاع س ژّلض نّس.¹⁰ وَادْ أَݣَّانْ رّاي ئنو ݣ - ؤسكّين - أد، أها ئلّاون ديكس نّفع: نّاضانت تݣام ئمزوورا نّا ئران أد - ئݣ لخير يي ئمومن ن تمدينت ن لقدس، أها تݣام ئمزوورا نّا ئݣان لخير ستيت.¹¹ ئوا دغي، شْمّْلَات لخدمت - أد، داي ئمكي تدّا لخدمت نّون أتݣ أنشت ن نّييث نّون وْشَاتْ زݣْ ؤُيْنَّا غِيرُونْ ئِلَّانْ.¹² أدّاي نوش س وول ئصفان، ربّي دا ئتقبال توكّي - أد، خف لحساب ن - ؤينّا غورنخ ئلّان، ؤر - ئد خف لحساب ن - ؤينّا ؤر غورنخ ئلّين.¹³ ؤر دا تّينيخ أت تݣيم ئمخصوصن حما أد نّيرسن ميدّن ياضن، ؤهو، ماشان ئخصّا أت تݣيم كيف كيف.¹⁴ دغي، مش غورون ئݣوت لخير، أت تعاونم وينّا ئحدادجان. داي مش شا ن واسّ تݣام ئمخصوصن دّان أد - أون عاون. ئوا ئمشيد أس تدّام أت تݣيم كيف كيف.¹⁵ أم ؤينّا ئتّيني لكتاب ن ربّي: «ونّا ئسمون شايݣان ؤر غيفس ئشايض والو، د ونّا ئسمون شا ئدروسن ؤر - أس ئخصّا والو».
© 2024 Bible Society of Morocco, used with permission