¹ ييلي أود يان ؤرݣاز أراس تّينين حانانيا، ئزّنزا نتّا د - ثمطّوط نس سافيرا يان ييݣر،² ماشان ئسّينف شا زݣ واثيݣ ن - ييݣر ئي يخف نس، ثيلي ثمطّوط نس ثسّن، أها ياويد أينّا يقّيمان ئي يمازانّ أمّيد غاس أينّا أس ثيزّنزا.³ داي ينّاياس بطرس: «أحانانيا، مّاخ ألّيݣ ثودجّيد شّيطان أد ئعمّر ؤول نّش أها ثسحيلّلد خف رّوح ن - ربّي، ثسّينفد شوي زݣ واثيݣ ن - ييݣر ئي يخف نش؟⁴ ماخ ئيس ؤر ئيد وينش أيد ئݣا داث ن ـ ماي تّزّنزيد، د ـ ضارث ن ـ ماي تزّنزيد، أينّاس تزّنزيد كول وينش أيد ئݣا أد ئيسّ ثݣد أينّا ثريد. ئوا ماخ ألّيݣ ثدميد لغشّ ݣ ـ وول نش؟ هاثين ؤر ئيد ميدّن أخف ثسحيلّلد ماشان خف ربّي».⁵ غاس ئسلّا حانانيا ئي يواليون أد، ئتوتّي س ـ أشال ئمّث. داي ݣّدن شايݣان وينّا سلّانين كول ئي وياد.⁶ دّوند ييتس ن - ئعرّيمن كّفننث، أسينث غر برّا أوينث أث مضلن.
⁷ زرينث أم شراطّ ن - ثاسّاعين، ثدّود ثمطّوط ن ـ حانانيا ؤر ثسّين مايد ئجران.⁸ داي يسقساتّ بطرس ئنّاياس: «ئنيي، ئيد أثيݣ أد أس ثزّنزام ئيݣر؟» أها ثنّاياس: «ئييّه، أثيݣ نّا أس ثنزّنزا».⁹ داي ينّاياس بطرس: «مّاخ ألّيݣ ثمساساد شمّ د - ؤرݣاز نّم أتغشّام رّوح ن - ربّي؟ هان وينّا مضلّين أرݣاز نّم ئوضنض غر لباب، دّان أشم أسين أود شمّين».¹⁰ داي ثتّوتّي ݣ - وانسا غر ئضارّ نس أها ثمّث. نتّا كشمندّ ئعرّيمن أفنتّيد ثمّوث، أسينتّ أوينتّ مضلنتّ ثاما ن - ؤرݣاز نس.¹¹ أݣراو ن ـ ئمومنّ س ـ سيدنا عيسى س ـ ماس لّان د - وينّا سلاّنين كول ئي مايد ئجران ݣّدن شايݣان.
© 2024 Bible Society of Morocco, used with permission