³¹ أدّاݣ ديدّو ممّيس ن بنادم ݣ لعزّ نّس، ئلينث غورس كول لملائيكا نّس، ئقّيم خف لكورسي ن لعزّ نّس.³² داي جمعند غورس لݣنوس كول غر داثاس، ئسّمزراي شا زݣ شا، ئمشينّا دايسّمزاراي ؤمكسا ئشروان زݣ ئغجدن،³³ ئسغيم ئشروان خف ؤفاسي نّس ئد ئغجدن خف ؤژلماض نّس.³⁴ داي ئسيول ؤݣلّيد يي وينّا ئلّان خف ؤفاسي نّس: أدّوياد، أوينّا ئبارش بّا ئنو، أد تورثم ثاݣلديت نّاون ئجّوجد زݣّيس ئعدل دّونيت،³⁵ ئدّخ ألّيݣ ئيْنغا لاژ تستشامي، ئنغي ئريفي ثشمي أد سوخ أمان، ݣخ أبرّاني ترحبمييي،³⁶ ئليخ عرّاخ تسّلسمييي، ياغي شا ثدّومد دژورمي، ئليخ ݣ لحبس ثكّم غوري.³⁷ ݣ لوقث نّا جاوبنث وينّا صلحنين نّناس: "أمولانا، ماتّا لوقث أيك ننّاي ئنغاش لاژّ نفاش أد تْتّشث؟ نغد ئنغاش ئريفي نفاش أتسوث أمان؟³⁸ د ماتّا لوقث أيك ننّاي ثݣيث أبرّاني نرحباش؟ نغد ثلّيث ثعرّاث نسّلساش ئعبان؟³⁹ د ماتّا لوقث أيك ننّاي ياغشّا نغد ثلّيث ݣ لحبس ندّون غورش؟"⁴⁰ داي ئجاوبثن ؤݣلّيد ئنّياسن: "دّيخ أداون ئنيخ لحق: زكّيس ثݣام يي يون زݣ أيثما-أياد ئمژيان، أمّي ئتݣام نكّ!".
⁴¹ داي ئنّياسن يي وينّا ئلّان خف ؤژلماض نّس دّيخ ألثو: "دّوياث زّيݣي أوينّا ئينعل ربّي، غر لعافيت ن وابدا نّا ئتّوݣّان يي إبليس د لمالايكا نّس،⁴² ئدّخ يي ينغا لاژّ أها ؤر-ئ ثفيم أد تشّخ، ئنغيي أريفي ؤر-ئ ثفيم أمان أد سوخ.⁴³ ݣيخن أبرّاني غورون أها ؤر ئسّي ثرحيبم، ئليخ عرّاخ أها ؤر ئتسّلسيم، ياغي شا ئليخ ݣ لحبس أها ؤر غوري تدّيم".⁴⁴ ݣ لوقث نّا أد جاوبن، ئنيناس: "أمولانا، ماتّا لوقث ناݣ ئيݣ ئينغا لاژ، نغد ئنغاش أريفي، نغد ثݣيث أبرّاني نغد ثلّيث ثعرّاث، نغد ثلّيث ݣ لحبس، أها ؤر دندّي أك نعاون".⁴⁵ ئجاوبثن ئنياسن: "دّيخ أداون ئنيخ لحق: ئدّخ ؤر ثݣيم أياد يي ئمژلاض، هاثين نكّين أمي ؤر تݣيم".⁴⁶ داي دّون ويد غر لعداب ن وابدا، ئد وينّا ئصلحن أد دّون غر تودرت ن وابدا.
© 2024 Bible Society of Morocco, used with permission