لقوياد أر تازن مدن أ يسوع

1 مايد أش إجران من بعد كويد نمجماع تيكلت تمگاروت ، د ماتا لحاجت س تريد أتشكرت ربي غيفس

2 ماتا لحاجت شي سقلاقن إ سيمانة تخ ؟ د ماك اخاصان باش اد تحسنت لومور نش على خير.

3 مايد إگان لحتياجات نا إخصان مدن إ لمجتمع نش ، د ماني إمش سنغيي انمعاوان ڭراتنغ باش أنقن لحتياجات تخ .

4 ماتا لقيصت نا غيف نساول تيكلت نا إزرين ؟ د ما يد نلمذ غيف ربي د مدن؟

5 إ لجتماع نغ نا إزرين ، تقررت أد طبقت أينا تعلمت. ما تسكرت د ماني إمش زرينت لومور؟

6 شيين دمي تشاركت شان لحاجت زي لقيصت تخ؟ ماني إمش ايڭا لجواب نسن

7 إ تيكلت نا إ ڭران إجتماع نغ نساول غيف بزاف ن لحتياجات . نتافق باش أنگ ليمورات نا إخصان مدن ن لمجتمع نغ، د ماني إمش س زرينت لومور؟

8 دغي، أن نغر لقيصت توجديدت زي غور ربي

¹⁹ تاد أيد ئݣان شّهاتّ ن يحيى لّيݣ غورس دّوزنن ئخاتارن ن ووداين ن تمدينت ن لقدس ييتس ن-ئنبدادن ن تادّارت ن ربّي د-ييتس زݣ أيت لاوي حما أت تسقسان: «ماي تمسد؟»‏²⁰ يحيى ئقرّا ؤر ئنكير شا، ئنّاياسن س طايطاي: «ؤر ئد نكّ أيد ئݣان لمسيح».‏²¹ داي سقسانت: «ئوا ماتّا نتّا شݣّ؟ ئد شݣّين أيد ئݣان نّبي إيليّا؟» أها ئنّاياسن يحيى: «أراح، ؤر تݣيخ». «بار ئسّ تݣيت نّبي (نّا خف ئسيول سيدنا موسى)؟» ئنّاياسن: «ئهي».‏²² داي سقسانت ألّو: «ئوا ئنياخ ماي تمسد؟ هاتين ئخصّاخ أن نرار لواجاب ئ يخاتارن نّاخ دّيوزنن، مايدا تّينيد خف ئخف نّش؟». ‏²³ أها ئنّاياسن: «نكّين، أغويّي ن يان ؤبرّاح ئسغويون ݣ-لخلا: "سمنويات أبريد ئ مولانا" أم ؤينّا ئنّا نّبي إشعيا!» ‏²⁴ زݣ وينّا دّوزن ئخاتارن ن ووداين غر يحيى، لّان ييتس زݣ تربيعن ن-يفرّيسيّين.‏²⁵ داي سقسانت: «ئوا مّاخ ألّيݣ دا تبّژت ميدّن ݣ وامان مش ؤر ئد شيݣّ أيد ئݣان لمسيح، ؤلا إيليّا، ؤلا نّبي (نّا خف ئسيول سيدنا موسى)؟»‏²⁶ أها ئنّاياسن يحيى: «نكّ، دا تبّژخ ميدّن ݣ وامان، ماشان ئلّا يون ئنݣراون نّا ؤر تسّينم.‏²⁷ ئدّا أد دّيدّو فّيري، ونّا مي ؤر واتاخ أود أد رّيخ ئفيلان ن-ئدوشا نّس».‏²⁸ ئجرا ؤياد كول ݣ-يغرم ن بيت عنيا نّا ئلّان ورين ئ واسيف ن الأردن ماني ݣ-ار ئتبّژ يحيى ميدّن ݣ وامان. ‏²⁹ س-أسكّا نّس، يانّاي يحيى سيدنا عيسى ئدّاد غورس، أها ئنّا: «واد أيد ئݣان أعلّوش ن ربّي نّا ئتسفاضن دّنوب ن ميدّن ن دّونيت-اد.‏³⁰ نتّا أخف أون سّيولخ لّيݣ أون نّيخ: "ئدّا أد دّيدّو فّيري يون ؤرݣاز نّا يي يوݣرن، ئدّخ ئلّا ياد داتي".‏³¹ نكّ ؤر سّينخ مايد ئمس، ماشان دّيخد أد بّژخ ميدّن ݣ وامان، حما أت تيسين أيت إسرائيل». ‏³² داي ئشاهد يحيى س-ؤينّا يانّاي، ئنّا: «هاتين أنّايخ رّوح ن ربّي ئسرّحد زݣ ئݣنّا ئݣ أم يوت ن تتبيرت أها ئرس غيفس.‏³³ نكّ ؤر سّينخ مايد ئمس، والاينّي ربّي نّا يي دّيوزنن باش أد بّژخ ميدّن ݣ وامان، ئنّايي: "تدّيت أت تانّايت رّوح ئسرّحد أها ئرس خف يون ؤرݣاز، هاتين نتّا أيد ئدّان أد ئبّژ ميدّن ن دّونيت-اد ݣ رّوح ن ربّي".‏³⁴ نكّينتين أنّايخ، شاهدخ ئس ئݣا ؤرݣاز-اد ممّيس ن ربّي». ‏³⁵ س-أسكّا نّس، ئلّا يحيى دينّا ديخ ألتو د سين زݣ ئمحضرن نّس.‏³⁶ لّيݣ يانّاي يحيى سيدنا عيسى ئزري، ئنّا: «هان أعلّوش ن ربّي».‏³⁷ نتّا سلّين ئمحضرن سّين ئ واوال نّس، كّرن تفارن سيدنا عيسى.‏

²⁶ أها دّوند غر يحيى، نّاناس: «ألموعلّيم، ونّا ئكّان أݣّيدش أجمّاضين ن واسيف ن الأُردن، نّا مي تشاهتّ، هاياشت أود نتّا دا ئتبّژ ميدّن ݣ وامان دغي، أها أر غورس تدّون كول». ‏²⁷ داي ئنّاياسن يحيى: «ؤر ئتّيغي أود يون أد يݣ شا ؤسكّين أم نتّا مش ؤر-اس تيد ئوشي ربّي. ‏²⁸ كونّي س-يخفاون نّون دا تشّاهدم ئس نّيخ: "ؤر ݣيخ نكّ لمسيح، والاينّي نكّ يوزنيييد ربّي داتاس".‏²⁹ د ونّا مي تݣا تسليتّ تينّس، نتّا أيد ئݣان ئسلي، ئد أمسناي ن-يسلي دا ئتّبداد تاما نّس، أر غورس ئسّغاد أها أر ئفرّح شايݣان أد ئسلّ ئ واوال ن-يسلي. لفراحيت-اد تݣا أم تينو، تمقّور ؤر-اس ئخصّا شا.‏³⁰ ئخصّا أد-اس ئمغور وادّور أها ييمژي وينو». ‏

1 دغي شان يان أداغ إعاود لقيصت تتخ س إواليونس ، أم إرا أت إعاود إعاود إشان يان ياضن نامي أوردجين أس إسفلد . د إخصاياخ أداسني نعاون أد أور تون شا نغد أد أور زايدن شا إ لقيصت تتخ س لغلاض . د أتني نسقسا . مش إجرا أويناح ، نغي أنسقسا ؛٠ ماني إيتلا لقيصت تتخ ٠

2 مايداغ تعلام لقيصت تتخ غيف ربي د غيف شخصية نس ٠ د غيف ما خف دايتگا ٠

3 مايدا تعلامت غيف مدن زي لقيصت تتخ ٠

4 مايدا تعلام زي لقيصت تتخ زعما نگا لقادة ٠

5 ماني إمش س تريد أتطبق الحق نا نتعلام غيف ربي زي لقيصت تتخ إتودرتنش إسيمانة ييتخ ٠ ماتا لحاجت نا تريد نيت أتيطبقد ٠

6 نتا دمي أتشاركت صراحة ييتخ زي لقيصت تتخ قبل أنمجماعم تيكلت نا دي دان ٠ إس تسند شان مدن ياضن نا إران أد ييسين أوال ن ربي زي تطبيق تخ أم نكني ٠

7 جتماع نغ اقرب أد إشمل ، دغي إخصاياخ أن متفاق غيف مانتور أديخ نمجماع تيكلت ديدان ، د مايد إتكلاف أد إسير جتماع ديدان٠

8 نزري لوقت إحلان گراتنغ . أركني تشجاعخ باش أتقيدم أينا تنام أيتگيم إسيمانة ييتخ، د أتعاودم أتسفلدم إ لقيصت تتخ قبل أنمجماع تيكلت ديدان . مش إيلا شان يان زي ديكون أور غورس لقيصت تتخ توكتب نغد لمسجلة إغي ونا إسيرن جتماع إتخ أديست إشور. قبل أتدوم أنثر زي ربي باش أداغ إعاون.