¹³ كونّي تيسّنت ن واشال أيتݣام، ماشان مش تخسر تيسنتس، مايد ئدّان أداس ئرار ثاثفي نّس؟ هاثين ؤر ياد تليق أود يي شا غاس أد تّوݣر غر برّا عفسن غيفس ميدّن.
¹⁴ كونّي أسيدّ ن دّونيت أيد تݣام. هاثين ؤر تّيغيي أتنتل تمدينث ئتّوبنان خف عاري،¹⁵ أها ؤر دا سّيغين ميدّن لانبا ݣينت دّاو ن-وطّاص ن لعبار، ماشان داث تݣّان ݣ يون ن-ؤدغار ئعلّان حما أد ئيش أسيد يي وينّا لّانين كول ݣ تادّارت.¹⁶ ئلازم ئمشيد يي ؤوسيد نّون أد ياغ داث ن ميدّن حما أد أنّاين لافعايل نّون ئژيلن أها ݣين لعزّ يي بّا نّون ئلّان ݣ ئݣنوان.
¹⁷ هان أتغالم ئس د دّيخ أد كّسخ شّرع ن موسى د ئواليون ن لانبييا، هاثين ؤر ددّيخ أد كّسخ، ماشان أد شمّلخ.¹⁸ لحق أيد أون تّينيخ نكّينتين، هاثين أد ئتّواكّس ئݣنّا د واشال ؤر تّواكّاس يوت ن-تيرّا نغد يوت ن تنقّيط زݣ شّرع غاس أرد شملن كول نّسن.¹⁹ هان ونّا ؤر ئݣين غاس يوت زݣ لوصيّات-اد تيمژّيانين، أها أر ئسّغرا ئ-مّيدّن أد ݣين أم نتّا أد ئيݣ أمژّيان ݣ تݣلديت ن-ئݣنوان. ئد ونّا ئس ئݣان ئعلمت، ئدا أد ئݣ أخاثار ݣ تݣلديت ن-ئݣنوان.²⁰ هان نكّين داون تّينيخ مش ؤر يوݣير صّلاح نّون صّلاح ن لعولاما ن شّرع د-ئفرّيسيّين ئكتاتبين ن شّرع ؤر تنّيم أد تكشّمم تاݣليت ن-ئݣنوان.
© 2024 Bible Society of Morocco, used with permission