¹⁴ خف ؤياد أخف ؤثخ خف ئفادّن ئنو أر تبنداقخ ئي ربّي يبّاثنخ،¹⁵ نّا زݣ دا ديتكّا ييسم أرصلي ن ـ ئخامن كول ݣ ـ ئݣنوان د ـ خف واشال،¹⁶ أر زّيكس تتّرخ أد ئصّحو شايݣان ئمان نّون س ـ رّوح نّس منيد ن ـ لباراكاث نّس نّا يعدّان شايݣان،¹⁷ حما أد ئزدغ لماسيح ݣ ـ وولاون نّون س ـ ليمان نّون ئيسّ. داي أدّاي ثݣيم ئژوران ݣ ـ ثايري أها ثزݣّام ديكس،¹⁸ أتّيغيم أتّفروم كونّي د ـ وينّا يسثي ربّي كول مشثا أي ثلا ثايري ن ـ لماسيح ݣ ـ ثيروث د ـ ثاغزي د ـ ثيدّي د ـ ثيغبي.¹⁹ أها ثيسينم ثايري ن ـ لماسيح يوݣرن مايد ئݣان ثوسنا، داي ثعمّرم س ـ ؤينّا يلّان ݣ ـ ربّي كول.
²⁰ نتّا نّا يغين س ـ جّهد نّس نّا ديݣنخ ئݣا أد ئيݣ ؤݣار كول ن ـ ؤينّا دا نتتّر نغد ن ـ ؤينّا دا نتّدمو،²¹ أداس ييلي لعزّ ݣ ـ ؤݣراو ن ـ ئمومنّ س ـ سيدنا عيسى لماسيح ݣ ـ مايد ݣان لوقث أبدا ن ـ ئبيدان، أمين.
© 2024 Bible Society of Morocco, used with permission