Allah Ya Albarkaci Almajirai

Zumunta

Game da abubuwan da suka faru da kai/ke bayan saduwar mu, menene abin da kake godiya akai?

Menene ya addabeku wannan makon, kuma me kuke bukata don abubuwa su zama da kyau?

Menene bukatun mutane al'umma ku, kuma tayyaya zamu iya taimaka wa juna biyan bukatun da muka ambata?

Menene labarin a saduwarmu na karshe? Me muka koya game da Allah da mutane?

A saduwarmu na karshe, ku yanke shawara akan yin anfani da abin da kuka koya. Me kuka yi, kuma yaya ya faru?

Wa kuka shaida wa labarin na karshe? Ta yaya suka amsa?

Mun gano bukatu masu yawa a saduwar mu na karshe, kuma mun shirya biyan bukatun. Yaya ya faru?

Yanzu, bari mu saurari wani sabon labari daga Allah...

Mattiyu 5: 1-12

¹ Ganin taron mutane, sai ya hau kan gefen dutse ya zauna. (Luka 6.20-23) Almajiransa kuwa suka zo wurinsa, ² sai ya fara koya musu. Yana cewa, ³ “Masu albarka ne waɗanda suke matalauta a ruhu, gama mulkin sama nasu ne. ⁴ Masu albarka ne waɗanda suke makoki, gama za a yi musu ta’aziyya. ⁵ Masu albarka ne waɗanda suke masu tawali’u, gama za su gāji duniya. ⁶ Masu albarka ne waɗanda suke jin yunwa da ƙishirwa don gani an yi adalci, gama za a ƙosar da su. ⁷ Masu albarka ne waɗanda suke masu jinƙai, gama za a nuna musu jinƙai. ⁸ Masu albarka ne waɗanda suke masu tsabtar zuciya, gama za su ga Allah. ⁹ Masu albarka ne waɗanda suke masu ƙulla zumunci, gama za a kira su ’ya’yan Allah. ¹⁰ Masu albarka ne waɗanda ake tsananta musu don gani an yi adalci, gama mulkin sama nasu ne. ¹¹ “Masu albarka ne ku, sa’ad da mutane suke zaginku, suna tsananta muku, suna kuma faɗin kowace irin muguwar magana a kanku saboda ni. ¹² Ku yi murna ku kuma yi farin ciki, domin ladarku mai yawa ne a sama, gama haka suka tsananta wa annabawan da suka riga ku.

Biblica® Buɗaɗɗen Littafi Mai Tsarki, Sabon Rai Don Kowa™ Neman RubutaccenIzini © 2009, 2020 ta hannun Biblica, Inc. Biblica® Open Hausa Contemporary Bible™ Copyright © 2009, 2020 by Biblica, Inc. “Biblica” wani tambarin ne da aka yi wa rajista a ofishi Lamba Ƙerar da Tambari a Amurka ta hannun Biblica, Inc. Wanda aka yi amfani ta wurin samun izini. “Biblica” is a trademark registered in the United States Patent and Trademark Office by Biblica, Inc. Used with permission.

Manufa

Yanzu, bari mu samu wani ya maimata wanan labari a kalmomin sa, kaman suna fadawa abokin da bai taba ji ba. Mu taimake su idan sun bar wani abu ko kuma su yi kari bisa kuskure. Inda haka ya faru sai mu yi tanbaya, " Ina ka gan wannan a cikin labarin?"

Me wanan labarin ke koya mana game da Allah, halin sa, da ayukansa?

Me mu ka koya game da mutane, har ma damu, daga labarin nan?

Me mu ka koya daga labarin nan game da zama almajirai?

Yaya zaka/ki yi anfani da gaskiya game da Allah daga labarin nan a cikin rayuwar ka/ki a wannan mako? Menene ainihin abin da zaka yi?

Wa zaka/ki shaida wa gaskiya daga labarin nan kafi mu sake haduwa? Ko ka san wadansu da za su so su gano maganan Allah a cikin wanan manhajar kamar mu?

Yayinda saduwar mu ke kamalawa, bari mu yarda lokocin da zamu sake saduwa da wanda zai jagorance mu.

Muna karfafaku ku lura da abin da ku ka ce za ku yi, kuma don sake sauraron wannan labarin a kwanaki kafin mu sake haduwa. Mai horaswa na iya bayayana labarin da ke a rubuce ko kuma a sauti, idan wani ba shi da shi. Yayinda zamu tafi, bari mu roki Ubangiji ya taimake mu.

0:00