Ny fiangonana dia midera an'Andriamanitra

1 Raha jerena ny izay nitranga taminao hatramin’ny nihaonantsika farany, inona no zavatra iray isaoranao an’Andriamanitra?

2 Inona no nanahiran-tsaina anao tamin'ity herinandro ity, ary inona no ilainao mba fanatsarana ny zava-misy?

3 Inona no zavatra ilain'ny olona ao amin'ny fiaraha-monina misy anao, ary ahoana no ahafahantsika mifanampy amin'ny fiahiana izany?

4 Inona no tantara tamin'ny fotoana nihaonantsika farany? Inona no nianarantsika mikasika an'Andriamanitra sy ny olona?

5 Tamin'ny fivoriantsika farany, hanapa-kevitra ianao fa hampihatra ny zavatra nianaranao. Inona no nationao, ary nanao ahoana izany?

6 Iza no nizaranao zavatra avy amin'ny tantara tamin'ny farany? Ahoana no nasetrin'izy ireo izany?

7 Nahita zavatra ilaina maromaro Isika tamin'ny fivoriantsika farany ary nanao drafitra hamaliana izany. Nanao ahoana ny fizotrany?

8 Amin'izao fotoana izao isika dia hamaky ny tantara avy amin'Andriamanitra androany...

¹ Fideran’i Davida. HANANDRATRA Anao aho, ry Andriamanitro Mpanjaka ô, Sy hankalaza ny anaranao mandrakizay doria. ² Hankalaza Anao isan-andro aho Sy hidera ny anaranao mandrakizay doria. ³ Lehibe Jehovah ka tokony hoderaina indrindra; Ary tsy takatry ny saina ny fahalehibiazany. ⁴ Ny taranaka rehetra samy hidera ny asanao amin’izay mandimby azy Sy hanambara ny asanao lehibe. ⁵ Ny lazan’ny voninahitry ny fiandriananao Sy ny asanao mahagaga no hosaintsainiko. ⁶ Ny herin’ny asanao mahatahotra no hotenenin’ny olona; Ary ny fahalehibiazanao no holazaiko. ⁷ Hanonona ny fahatsiarovana ny haben’ny fahatsaranao izy Sy hihoby ny fahamarinanao. ⁸ Mamindra fo sy miantra Jehovah; Mahari-po sady be famindrampo Izy. ⁹ Manisy soa izao tontolo izao Jehovah; Ary ny fiantràny dia eny amin’ny asany rehetra. ¹⁰ Jehovah ô, midera Anao ny asanao rehetra; Ary ny olonao masina misaotra Anao. ¹¹ Milaza ny voninahitry ny fanjakanao izy Sady miresaka ny herinao, ¹² Mba hampahafantarina ny zanak’olombelona ny herinao Sy ny haben’ny voninahitry ny fanjakanao. ¹³ Fanjakana mandrakizay ny fanjakanao, Ary hihatra amin’ny taranaka fara mandimby ny fanapahanao. ¹⁴ Jehovah manohana izay rehetra efa ho lavo Sy mampitraka izay rehetra mitanondrika. ¹⁵ Ny mason’izao rehetra izao miandrandra Anao, Ary Hianao manome azy ny haniny amin’ny fotoany. ¹⁶ Manokatra ny tànanao Hianao Ka mahavoky soa ny zava-miaina rehetra. ¹⁷ Marina Jehovah amin’ny làlany rehetra, Sady mamindra fo amin’ny asany rehetra. ¹⁸ Jehovah dia eo akaikin’izay rehetra miantso Azy, Dia izay rehetra miantso Azy marina tokoa. ¹⁹ Hanefa ny irin’izay matahotra Azy Izy Ary hihaino ny fitarainany ka hamonjy azy. ²⁰ Miaro izay rehetra tia Azy Jehovah; Fa ny ratsy fanahy rehetra kosa haringany. ²¹ Ny fiderana an’i Jehovah no hotenenin’ny vavako; Ary aoka ny nofo rehetra hankalaza ny anarany masina mandrakizay doria.

1 Amin'izao fotoana, aoka hisy olona iray hitantara ity andalana ity amin'ny fiteniny manokana, toy ny hoe mitantara izany amin’ny namana mbola tsy nahare mihitsy. Ndeha ampiantsika izy ireo raha zavatra adinony na diso nampidiriny. Raha mitranga izany dia anontaniantsika izy hoe: “Aiza ao amin’ny tantara no ahitana izany?”

2 Inona no ampianarin'ity tantara ity antsika mikasika an'Andriamanitra, ny toetrany, ary izay ataony?

3 Inona no ampianarin'ity tantara antsika mikasika ny olombelona, ao anatin'izany koa ny tenantsika?

4 Inona no ianarantsika amin'ity tantara ity mikasika ny maha fiangonana?

5 Ahoana no hampiharanao ny fahamarinana avy amin'ity tantara ity amin'ny fiainanao amin'ity herinandro ity? Inona no hetsika na zavatra manokana hataonao?

6 Iza no hizaranao ny fahamarinana avy amin'ny tantara alohan'ny hihaonantsika manaraka indray? Mahafantatra olona maniry ny hahafantatra ny tenin'Andriamanitra ato anatin'ity apps ity tahaka antsika ve ianao?

7 Eto am-pamaranana ny fivoriantsika, ndao hanapa-kevitra hoe rahoviana indray isika no mivory ary iza no hanentana ny fivoriantsika manaraka.

8 Mampahery anao mba hitadidy tsara ny zavatra nolaizanao fa hataonao, sy hamerina hihaino ny tantara alohan'ny andro hivoriantsika indray. Ny mpanentana dia afaka mizara ny tantara an-tsoratra na henoina amin'izay tsy manana izany. Raha handeha isika, ndao hangataka ny Tompo hanampy antsika.